اؤتن آیین سونلاریندا اردبیل و خیاو (مشگین) شهرلرینده حبس ائدیلن ملی فعاللار سیامک میرزایی، علی واثقی و عسگر اکبرزاده‌نین وضعیتی و اتهاملاری باره‌ده عائله‌لرینه معلومات وئریلمیر.

Axar.az خبر وئریر کی، بو باره‌ده فعاللارین عائله‌لرینه یاخین منبع‌لر معلومات وئریب.

اونلارین سؤزلرینه گؤره، فعاللارین وضعیتی ایله باغلی علاقه‌دار دولت قوروملارینا مراجعتلر جاواب‌سیز قالیب. بو ایسه فعاللارین ایران کشفیات ناظرلییی‌نین (اطلاعات) تاپیشیریغی اساسیندا و قانون‌سوز اولاراق حبس ائدیلمه‌لری باره‌ده احتیماللاری گوجلندیریر.

خاطیرلاداق کی، ایونون ۲۸-ده سیامک میرزایی خیاودا (مشگین)، عسگر اکبرزاده و علی واثقی ایسه اردبیل‌ده حبس ائدیلیب.

باره‌لرین‌ده اتهام ایر‌لی سورولمه‌دن حبس ائدیلدیکلرینه غیری-معین وضعیت‌ده ساخلانیلدیقلارینا اعتراض اولاراق، فعاللار بیر نئچه گون آجلیق آکسییاسی کئچیریبلر.

سیامک میرزایی و علی واثقی اردبیل حبسخاناسینین ۹-جو بؤلمه‌سینه کؤچورولسه‌لر ده، قاراجگر خسته‌لییندن اذیت چکن عسگر اکبرزاده‌ ایستینتاق تجریدخاناسیندا ساخلانیلیر.

هر اوچ فعال بوندان اول ده دینج فعالیتلرینه گؤره حبس ائدیلیب‌لر.