آنا صحیفه توپلوم |
پیرآللاهی آداسینی ساحیله بیرلشدیرن یئنی آوتوموبیل کؤرپوسو سوروجولرین ایختییارینا وئریلیب.
آذرآوتویول آچیق سهامدار جمعیتیندن آخار.آذ-ا وئریلن معلوماتی گؤره، قالا پیرآللاهی آوتوموبیل یولونون 23-جو کیلومترلیگینده یئرلشن کؤرپونون اوزونلوغو 422 متر، ائنی 14 متر حرکت حیصه سینین ائنی 12 متر، اورتا آشیریمدا دنیز سویه سیندن هوندورلویو 11 متردیر. کؤرپو 9 آشیریمدان عبارتدیر. (42*4+86+42*4=422).
کؤرپونون آلت حیصه سیندن گمیلرین راحات و مانعه سیز حرکتی اوچون خوصوصی کئچید حیصه سینین آچیلماسی دا یئکونلاشماق اوزره دیر. بونون اوچون کؤرپونون آلت حیصه سینین و مؤوجود یولون قازیلماسی ایشلری آپاریلیر. حاضیردا قالا-پیرآللاهی 1-جی تئخنیکی درجه لی آوتوموبیل یولونون سونوندا کؤرپونون گیریشینه قدر اولان آوتوموبیل یولونون 2-جی تئخنیکی درجه یه اویغون یئنیدن قورولماسی ایشلرینه ده ستارت وئریلیب. 730 متر اوزونلوغوندا اولان یولون ائنی 12 متر اولاجاق.
قئید ائدک کی، "پیرآللاهی قصبه سینی ساحیلله بیرلشدیرن آوتوموبیل یولونون دنیز سویو ایله یویولماسینین قارشیسینین آلینماسی، یول اوزرینده کؤرپونون تیکینتیسی و یول بویونجا ساحیل برکیتمه ایشلرینین آپاریلماسی" لاییحه سی اوزره تیکینتی ایشلرینه 2012-جی ایلین سئنتیابر آییندا باشلانیلیب. کؤرپونون تیکینتیسی ایللیک اینوئستیسییا (سرمایا) پروگراملارینا اویغون اولاراق آذرآوتویول آچیق سهامدار جمعیتینین نظارتی آلتیندا یوکسک کیفییت له و تئخنولوژی آردیجیللیغا رعایت اولونماقلا مرحله لی شکیلده آپاریلیب.
تاریخ
2016.12.07 / 14:26
|
مولف
Axar.az
|