ایستانبول‌دا تئررور حادثه‌سی نتیجه‌سین‌ده دونیاسینی دییشن اصلا آذربایجانلی اولان روسییا وطنداشی نورانه حسنووانین جنازه‌سی یانوارین ۲-ده گئجه ساعتلارین‌دا باکییا گؤندریلیب.

بو باره‌ده رئپورت-آ روسییانین ایستانبولداکی باش کونسوللوغوندان معلومات وئریلیب.

بیلدیریلیب کی، حسنووانین جنازه‌سی آذربایجانا ایستانبول والیلیینین آییردیغی خصوصی طیاره واسطه‌سیله یولا سالینیب:

"اونون عائله‌سی ده جنازه ایله برابر باکییا گئدیب".

عدلیه ناظرلیگی محکمه-طیببی ائکسپئرتیزا و پاتولوژی آنوتومییا بیرلیینین ایستانبول شهر شعبه‌سین‌دن وئریله‌ن معلوماتا گؤره، حسنووانین جنازه‌سی داییسی طرفین‌دن گؤتورولوب.

قید ائدک کی، یئنی ایل گئجه‌سی نامعلوم شخص ایستانبولون اورتاکؤی رایونون‌دا یئرلشن «رئینا» گئجه کلوبونا هوجوم ائدیب. نتیجه‌ده ۱۶ نفر اجنبی اولماقلا، عمومی‌لیک‌ده ۳۹ اینسان اؤلوب.