ماساللی رایونون‌دا دؤرد مسجیددن اوغورلوق ائدیلیب.

آپا-نین معلوماتا گؤره، حادثه‌لر رایونون ارکیوان قصبه‌سینده، دمیرچی و قیزیلاوار کندلرین‌ده قئیده آلینیب.

دمیرچی کند مسجیدیندن یاس مراسیملری اوچون ایستیفاده اولونان ۴ میس قازان، قیزیلاوار کندینده یئرلشه‌ن مسجیددن ۴ قازان، ارکیوان قصبه‌سینده یئرلشه‌ن باغلاکوچه مسجیدیندن ایسه سس گوجله ندیریجی و ایکی سئللوفان پاکئت پامبیق اوغورلانیب.

سونونجو اوغورلوق حادثه‌سی شاهصفی مسجیدینده قئیده آلینیب. مسجیدین ایمامی فیکرت نظرووون سؤزلرینه گؤره، اؤتن گون ناماز واختی تانیمادیقلاری جاوان اوغلان هر کسین نامازینی قیلیب قورتاردیغینی گؤردوکدن سونرا نظیر قوتوسونو سیندیراراق ایچینده اولان ۱۰۶ مانات پولو اوغورلاییب. سس-کویه گلن ایمام یاخینلیق‌داکی اینسانلارین کمکی ایله اوغولوق ائد‌ن شخصی یاخالایاراق پولیسه تحویل وئریب.

ماساللی رایون پولیس شعبه‌سیندن وئریله‌ن معلوماتا گؤره، آرتیق حادثه‌نی تؤرتمیش شخص ساخلانیلیب. اونون باشقا جینایتلرده الینین اولوب-اولمادیغی آراشدیریلیر. اوغورلوق حادثه‌سینی تؤره‌دن شخصین رایونون سئیبتین کند ساکینی آغاحوسئین رامیز اوغلو اولدوغو بیلدیریلیر.

فاکتلا باغلی آراشدیرما آپاریلیر.