صونعی اینتلکت ساحه‌سین‌ده قیری-سلیس منطیق نظریه‌سینین بانی‌سی، کالیفورنییا بئرکلی اونیوئرسیتئتینین پروفسسورو، آمئریکاداکی آذربایجان دیاسپور تشکیلاتلارینین فخری صدری لطفی زاده‌نین حیات یولداشی فی زاده یانوارین ۱۷-ده وفات ائدیب.

بو باره‌ده اوخو. آز-آ آزتو-نون تئکنیکا علملری دوکتورو، لطفی زاده‌نین علمی ارثینه حصر اولونموش "سوفت کومپوتینگ» اوزره عموم دونیا کنفران‌سینین باش کاتیبی، لطفی ا.زاده آدینا بین الخالق علملر آکادمییاسینین ویتسه-پرزیدنتی شاهناز ن.شاهبازووا معلومات وئریب.

ش.شاهبازووا فی زاده ایله باغلی ماراقلی خاطره‌لرینی بؤلوشوب:

"او، چوخ آچیق اورکلی، سخاوت‌لی، عقل‌لی و گؤزل اینسان ایدی. منیم اونونلا باغلی چوخ خاطره‌لریم وار.

۱۵ دکابر ۲۰۱۶-جی ایلده‌ن باشلایان و ۱۵ فئورال ۲۰۱۷-جی ایله قدر داوام ائد‌جکآمئریکانین کالیفورنییا شتاتینین برکلی اونیورسیتئتین‌ده علمی-تدقیقات ایشیمله علاقدار دئمک اولار کی، هر گون لطفی و فیی زیارت ائدیره‌م. بو آغیر گونده پروفسسور لطفی زاده‌یه دستک اولاراق گوجلو اولماغی توصیه ائدیره‌م.

من "فولبریگت» قرانتینی ۲۰۰۷-جی ایلده قازاناراق بئرکلی‌ده اولارکن فی زاده ایله گؤروشوب دوستلاشمیشام. او، ائله معنویاتلی خانیم ایدی کی، اونو سئومه‌مک مومکون دئییلدی. من اونون مهریبان، حؤرمت‌لی، دقت‌لی صحبتلرینی یاخشی خاطیرلاییرام. او، منه قارشی چوخ قایغیکش، صمیمی و مرحمت‌لی ایدی. ۲۰۰۷-جی ایلده‌ن ایندییه قدر بیزیم دوستلوغوموز اونا گتیریب چیخاردی کی، من اونلارین عائله عضوونه چئوریلدیم. من ائله حیس ائدیره‌م کی، آنامی بیر داها ایتیردیم».

الله رحمت ائلسین!