عرب توریستلرین کوتلوی شکیلده آذربایجانا گلمه‌سینین ان بیرینجی سببی ویزا سادلشدیریلمسی اولوب.

بونو ترند-ا مدنیت و توریزم ناظرینین معاوینی ناظیم صمدوو دئییب.

ن. سمدوو وورغولاییب کی، بوندان علاوه ناظیرلیین ۵ ایلدن چوخدور کی، دوبایدا نماینده‌لیگی فعالیت گؤستریر: «ناظرلیک اولاراق بئش ایلدن چوخ‌دور کی، دوبی شهرینده نمایندلییمیزی ساخلاییریق. آذربایجانلا باغلی تبلیغات ایشلری آپاریلیر. ویزانین سادلشدیریلمه‌سی آپاریلان ایشلره بؤیوک دستک وئردی و بو ایکی فعالیت بیرلیکده توریست آخینیندا یاخشی اففکت یاراتدی».

عرب توریستلرین آذربایجاندا هانسیسا پروبلملر یاراداجاغی بارده فیکیرلره مناسیبت بیلدیرن ناظر معاوینی دئییب: "بو، دوزگون فیکیر دئییل. آذربایجانا گلن هر آدامی دوشمن کیمی قبول ائتمک دوغرو یاناشما دئییل. طبیعی کی، گلنلرین آراسیندا فرقلی دوشونجلی اینسانلار اولا بیلر. آذربایجانین گوج ایستروکتورلاری، تهلوکسیزلیک اورقانلاری فعالیتلرینی یوکسک سوییه‌ده ایجرا ائدیرلر و بوتون تخریباتلارین قارشیسینی واختیندا آلماغا قادیردیرلر. بو باخیمدان عرب توریستلرین آذربایجانا گلمه‌سینده پروبلم گؤرموره‌م».