آذربایجان و ارمنیستان قوشونلارینین قارشی‌دورما خطین‌ده نؤوبتی مونیتورینگ کئچیریله‌جک.

مدافعه ناظیرلیین‌دن آخار. آذ-آ بیلدیریلیب کی، آتت-این فعالیت‌ده اولان صدرینین شخصی نماینده‌سینین مانداتینا اویغون اولاراق مارتین ۱۵-ده گورانبوی رایونو تاپقاراقویونلو کندی ایستیقامتینده یئرلشن آذربایجان و ارمنیستان قوشونلارینین تماس خطین‌ده نؤوبتی مونیتورینگین کئچیریلمه‌سی پلانلاشدیریلیر.

مونیتورینگی آذربایجان طرفیندن آتت-این فعالیت‌ده اولان صدرینین شخصی نماینده‌سی سفیر آنژئی کاسپشیک، اونون صحرا کؤمک‌چیلری ژیری آبرلی و سایمون تیللر کئچیرجکلر.

ارمنیستان سلاحلی قوه‌لری طرفیندن ایشغال ائدیلمیش و نظارت اولونان آذربایجان اراضی‌سین‌ده مونیتورینگی شخصی نمایندنین صحرا کؤمک‌چیلری گئننادی پئتریکا، خریستو خریستوو و پیتئر شودبرگ آپاراجاقلار.