آبشرون رایون ایجرا حاکمیتینین تشکیلات‌چلیغی ایله خیردالان شهرینده یئرلشن و عموم ملی لیدر حیدر علیئوین آدینی داشییان پارکدا دوزه‌نلنه‌ن بایرام شنلیینده رایونون تحصیل، مدنیت، صحییه و دیگر خیدمت ساحه‌سینده چالیشان ۲۷۰۰ نفردن چوخ میللی گئییملی خانیم و کیشیلر نووروز بایرامینا قاتیلیب.

آخار. آذ خبر وئریر کی، بو، آذربایجاندا کئچیریلن تدبیرلرده میللی گئییملی ایشتیراکچیلارین سایینا گؤره یئگانه شنلیکدیر. هله بو واختا قدر ۲۷۰۰ نفردن چوخ میللی گئییملی سویداشلاریمیز بیر آرایا گلممیشدی. شنلیک‌ده هر بیر موسسه اؤزونون یاراتدیغی ایستندله چیخیش ائدیب. شنلییه نووروز آتریبوتلاری، قدیمی خالچالار، ال ایشلری، آذربایجان خالقینین قدیملیینی عکس ائتدیره‌ن اکسپونانتلار تقدیم ائدیلیب، بایرام شیرنیاتلاری ایشتیراکچیلارا پایلانیلیب.

بایرام شنلیینین مشعلینی قالاماق اوچون «یانارداغ» دؤولت تاریخ-مدنیت و طبیعت قوروغوندان آتش گتیریلیب. دده قورقود و باهار قیزینین مشایعتی ایله تونقال قالانیب. سونرا آبشرون رایون ایجرا حاکمیتینین باشچیسی ایراده گولممدووا و رایونون حقوق-محافظه، صحییه، تحصیل، مدنیت و دیگر خیدمت تشکیلاتلارینین رهبرلری ایله بیرگه پارک اراضیسین‌ده بایرام گزینتیسی حیاتا کئچیریلیب، شنلییه قاتیلان ایشتیراکچیلارین حاضیرلادیقلاری بایرام نمره‌لرینه تاماشا ائدیلیب. آذربایجان پهلوانلاری، ایدمانشیلاری اؤز مهارتینی گؤستریبلر.

گزینتیدن سونرا آذربایجانین تانینمیش اینجه صنعت خادیملری و آبشرون مدنیت ائوینین کولکتیوی طرفیندن کنسرت پروگرامی تقدیم ائدیلیب.