کئشکه شرقی آذربایجانا دا دیگر ویلایتلر کیمی باخاردیلار.

آخار. آذ خبر وئریر کی، بونو گونئی آذربایجانین شبیستر شهرین‌دن اولان میللت وکیلی معصومه آغاپور سؤیله‌ییب.

«اؤتن ایل ده شبیستر بؤلگه‌سین‌ده اوخشار طبیعی فلاکت باش وئردی. حادثه نتیجه‌سین‌ده چوخلاری ائوسیز قالدی، بیر چوخ اکینچی ایسه مفلیس اولدو. لاکین حادثه‌دن ۱۰ آی کئچمه‌سینه باخمایاراق، هله ده طبیعی فلاکتدن ضررچکه‌نلره هئچ بیر یاردیم ائدیلمه‌ییب. کئشکه شرقی آذربایجان ویلایتی ده مسئول شخصلرین گؤزونده خوزیستان، خوراسان و یا رشت کیمی اولاردی. اونلارا ان کیچیک طبیعی فلاکت زامانی یئتری قدر یاردیم ائدیلیر و لازیمی تدبیرلر آلینیر، لاکین شرقی آذربایجان سانکی بیر استثنادیر»، - دئیه شبیسترین میلت وکیی‌لی قید ائدیب.

باش وئرن حادثه‌یه گؤره حاکمیت نماینده‌لرینی تنقید ائد‌ن میلت وکیللریندن بیری ده قوشاچایین ملت وکیلی جهانبخش محبی نیادیر. او، ایران تله رادیو شیرکتینی سرت تنقید ائدیب:

«اؤتن گون حادثه ایله باغلی ایکی متخصص دانیشیردی. اونلار ائله صحبت ائدیردی کی، سانکی گناهکار حادثه نتیجه‌سین‌ده حیاتینی ایتیرنلردیر. خیر، بو بئله دئییل. اساس مسئله یانلیش ایدارچیلیک مسئله‌سیدیر. اؤتن یایدا چیتچییانین یانیندا دئدیم کی، بؤلگه‌ده‌کی چایلارین وضعیتی هئچ یاخشی دئییل. اگر معین تدبیرلر آلینماسا، یازدا داشقینلارلا اوزلشجییک. ائله دئدییم کیمی ده اولدو».

اورمییه‌نین میللت وکیلی هادی بهادری ده باش وئرن طبیعی فلاکتله باغلی رسمیلرین فعالیتینی تنقید ائدیب:

«تأسفلر اولسون کی، بو دفعه ده سیل آذربایجانین اوریینی داغلادی. اونلارلا اینسان حیاتینی ایتیردی، بیر نئچه نفر هله ده ایتکینن‌دیر. سیل-داشقین سولاری اورمییه، سولدوز، آذرشهر، اوشنوییه، عجبشیر و تبریز شهرلرینی بورودو، بؤلگه اهالی‌سینه چوخلو زیان دیدی. من طبیعی فلاکت نتیجه‌سین‌ده فاجعه ایله اوزلشه‌ن بوتون عائله‌لره باش ساغلیغی وئریر و بحران مودیریتی تشکیلاتیندان وار گوجو ایله بؤلگه اهالی‌سینه یاردیم ائتمیی گؤزلییرم. میللی هیدرومتورولوگییا ایسه هاوا شرایطینه دایر واختیندا معلومات وئریب و هر کسی معلوماتلاندیرمالی ایدی. بو شکیلده ایتکیلرین و دین زیانین حجمینی آزالتماق ممکون اولاردی. باش وئرن حادثه‌نین تله رادیو شیرکتی و کوتلوی اینفورماسییا واسطه‌لرینده داها گئنیش شکیل‌ده ایشیقلاندیریلماسینی گؤزلییرم».