غربی آذربایجان ویلایتینین آبادلاشدیرما قورومونون باش دیرکتورو قهرمان رحمانی ویلایتده داشقین و سئل زامانی خسارت آلمیش مکتبلرین وضعیتی ایله باغلی معلومات وئریب.

آخار. آذ خبر وئریر کی، او، مکتبلرده یئنیدن یوخلاما آپاریلدیغینی و مکتبلرده اولان وضعیتین نه درجه‌ده تهلوکه‌لی اولوب-اولماماسینین آراشدیریلدیغینی بیلدیریب:

«ایندییه قدر محمدیار و نقده (سولدوز) مکتبلرینین داها چوخ زیان گؤردویو آشکارلانیب. همین مکتبلر تهلوکلی دورومدا اولدوغونا گؤره هللیک تعطیل اعلان ائدیلیب».

اونون سؤزلرینه گؤره، اورمییادا دا بیر چوخ مکتب سیل و داشقین زامانی خسارت آلیب. لاکین درسلر دیگر مکتبلرده و یا مسجیدلرده داوام ائتدیریلیر.