تبریزین «تراکتورسازی» فوتبول کومانداسی آپرلین ۱۴-دکی داشقیندان اذیت چکن شخصلره ژئست ائدیب.

آخار. آذ خبر وئریر کی، اؤز اینستاگرام صحیفه‌سینده کلوبون ایجراچی دیرکتورو مصطفی آجرلو اینفورماسییا یایاراق، جمعه آخشامی تبریزده اوینانیلاجاق «تراکتورسازی» – «ایستیقلال» اویونوندان الده اولونان گلیرلرین سیل و داشقیندان خسارت آلان شخصلره وئریلجیینی بیلدیریب. آجرلو بونونلا علاقدار اولاراق بوتون «تراکتورسازی» طرفدارلارینی ایستادیونا سسله‌ییب.

او، یاییملادیغی مساژدا آپرلین ۱۴-ده باش وئرن داشقینلار زامانی اینسان تلفاتیندان درین حزن کئچیردیینی بیلدیریب و حیاتینی ایتیره‌نلرین عائله‌لرینه باش ساغلیغی وئریب:

«امید ائدیرم کی، بو یاردیم آز دا اولسا اونلارین اورکلرینده ایستیلیک یارادا بیله‌جک».

قید ائدک کی، شرقی و غربی آذربایجان ویلایتلرینده باش وئرن داشقینلار نتیجه‌سینده عمومیلیک‌ده ۴۹ نفر دونیاسینی دییشیب. شرقی آذربایجان بیرگونلوک ماتم اعلان ائتسه ده، ایران رسمیلری باش ساغلیغی وئرمکله کیفایتلنیبلر.