آنا صحیفه توپلوم |
آذربایجاندا باش وئرهن سئل فلاکتی ایله باغلی شرقی آذربایجان ویلایتی و اؤلکه اوزره بعضی رسمی شخصلر مسئولیتسیز آچیقلامالار وئردیلر.
آخار. آذ خبر وئریر کی، بو سؤزلری «فارس» خبر آگئنتلیینه آچیقلاماسیندا آذربایجانین تبریز، آذرشهر و اوسکو شهرلریندن ایران پارلامنتینده اولان میللت وکیلی محمد سید ایسمایلی سؤیلهییب.
«آذربایجاندا باش وئرن سئل فلاکتی ایله باغلی شرقی آذربایجان ویلایتی و اؤلکه اوزره بعضی رسمی شخصلر مسئولیتسیز آچیقلامالار وئردیلر. گؤرونور، اونلار هله ده یئرلی اهالینی تانیمیر، دانیشیق طرزینی بیلمیرلر. بوتون اؤلکهلرده هر هانسی بیر جدی حادثه باش وئردیی زامان همین دقیقه باشساغلیغی وئریلیر و ضررچکهنلرله یاخیندان گؤروشمک، گؤرولهن ایشلرله تانیش اولماق اوچون بیرینجی فورصتده حادثه یئرینه باخیش کئچیریلیر. لاکین اؤلکه پرئزیدئنتی بونلارین هئچ بیرینی ائتمهدی. همچینین اینسانلارین داشقیندا اؤلمهسینه مسئول شخصلرین مسئولیتسیز داورانیشلاری سبب اولدو. هئچ بیر عقللی اینسان آوتوموبیللرین چای کیمی ایستیفاده اولونان بیر یئرده حرکت ائتمهسینی قبول ائده بیلمز. بوتون بونلار گؤستریر کی، بعضیلری اوچون اینسانلارین حیاتی هئچ بیر اهمیت داشیمیر. قلزار کؤرپوسونده اؤلنلرین شکیل چکمک اوچون اورایا گلدیینی ادعا ائدنلر اؤلکه، ایالت و اهالییه خیانت ائدنلردیر. اینسانلارین شعورو وار. بعضیلری ایسه حادثه یئرینده یول پولیسینین اولدوغونو ادعا ائدیر، بو دا یالاندیر. بیر پولیس مأمورو «دور» تابلوسونو قالدیرماقلا بوتون آوتوموبیللری دایاندیرا بیلردی. هر کس قانونا تابعدیر. اورادا، عمومیتله، یول پولیسی اولماییب».
قئید ائدک کی، ۱۴ آپرئلده شرقی و قربی آذربایجان ویلایتلرینده باش وئرهن داشقینلاردا ۴۹ آذربایجانلی حیاتینی ایتیریب. تبریز مئری بیر گونلوک ماتهم اعلان ائتسه ده، ایران دؤولتی باشساغلیغی وئرمکله کیفایتلنیب.
ایران پرئزیدئنتی حسن روحانی ایسه تنقیدلردن سونرا بؤلگهیه سفر ائدیب، اینسانلارین هلاک اولماسینا سبب اولان قلزار کؤرپوسونه باخیش کئچیریب، عینی زاماندا، فاجعهدن زرر چکهن اهالی ایله گؤروشوب.
تاریخ
2017.04.22 / 16:44
|
مولف
Axar.az
|