ایرانین شرقی آذربایجان ویلایتینده داشقین زامانی ایتکین دوشن ۲۲ آیلیق اوشاغین مییتی ۱۹ گوندن سونرا تاپیلیب.

آخار. آذ خبر وئریر کی، بو باره‌ده شرقی آذربایجانین قیزیل آیپارا جمعیتینین ایجراچی دیرکتورو سعید کنانی دانیشیب. اونون سؤزلرینه گؤره، بونونلا دا شرقی آذربایجاندا سئل و داشقینلار زامانی ایتکین دوشه‌نلرین آختاریش عملیاتلاری سونا چاتیب.

کنانی آچیقلاماسیندا بیلدیریب کی، سون ۱۹ گون عرضینده آختاریش عملیاتینا ۱۹۷۰ نفر جلب ائدیلیب و بونون نتیجه‌سین‌ده حادثه‌لر زامانی ایتکین دوشه‌نلرین هامی‌سینین مییتی تاپیلاراق عائله‌لرینه تحویل وئریلیب.

شرقی آذربایجاندا آختاریش عملیاتلاری سونلاندیریلسا دا، قربی آذربایجاندا هله ده ۱ نفرین آختاریشلاری داوام ائتدیریلیر.

قید ائدک کی، ۱۴ آپرلده شرقی و غربی آذربایجان‌دا باش وئره‌ن داشقینلاردا عمومی‌لیک‌ده ۴۹ نفر هلاک اولوب.