ایرانین بیله سوار شهرینین جفرآباد منطقه‌سین‌ده یئرلشن روحکندی کندینده شاهسون طایفه سینین ۷-جی کؤچ فستیوالی کئچیریلیب.

آخار. آذ خبر وئریر کی، بو بارهده بیله سوار ایجرا حاکمی (فرماندار) آرام حلیم جومعه گونو ژورنالیستلره دانیشیب.

«ویلایت‌ده یاشایان شاهسئون عشیرتینین ۳۹ فایزی بیله سوار ساکینلریدیر. اونلارین سایی تخمیناً ۱۵ مین نفردیر، بونا باخمایاراق، هر ایل اؤلکه‌یه ۲۰۰ میلیارد تومن مبلغین‌ده خییر وئریرلر. اونلار هر زامان حیاتدا اؤز ایمکانلارینا سؤیکنیبلر. اونا گؤره ده اونلارین حیات طرزینی عکس ائتدیره‌ن فستیوال کئچیریلدی. لاکین دوشونوره‌م کی، طایفانی یالنیز اؤلکه داخیلین‌ده دئییل، بینلخالق سوییه‌ده ده تانیتدیرماق لازیمدیر»، - دئیه او بیلدیریب.

فرماندار علاوه ائدیب کی، فستیوال‌دا شاهسئوه‌نلرین کلاسسیک حیات طرزینی عکس ائتدیرمک مقصدی ایله ۵۰ بؤلوم و ۳۰ آلاچیق یارادیلیب.

آرام حلیمین سؤزلرینه گؤره، فئستیوالدا طایفه نین کؤچ ائتمه‌سی، یئرلی ایدمان نؤعلری و اونلارین اؤزونه مخصوص دیگر عادت-عنعنه‌لرین‌دن بحث ائد‌ن پروگراملار نماییش ائتدیریلیب.

کئچیریله‌ن فئستیوالین اساس مقصدی شاهسئوه‌نلرین کؤچ ائتمه عنعنه‌سینی تانیتدیرماق‌دان عبارت اولوب.