آنا صحیفه توپلوم |
ایرانین رضوی خراسان ایالتینین مرکزی، مقدس شهر ساییلان مشهدده کئچیریلن بیر گئجه کامپانییاسینا سلاحلی هجومدا ۶۳ قیز و اوغلان توتولوب.
آخار. آذ خبر وئریر کی، بو بارهده مشهد پروکورورونون معاوینی حسن حیدری ژورنالیستلره آچیقلاماسیندا دانیشیب.
او بیلدیریب کی، مشهدین اخلاق تهلوکهسیزلیگی پلیسی مایین ۱۸-ده شهرین شیرحسار منطقهسینده قیز و اوغلانلارین باغ ائولریندن بیرینده بیر آرایا گلمهسی و بیرگه شنلهنمهسی حاقدا خبر توتدوقدان سونرا همین ائوده عملیات کئچیریب: «عملیات نتیجهسینده باغ ائوینده آلکللو ایچکیلر ایچرک بیر-بیری ایله ایلهنن ۳۵ قادین و ۲۸ کیشی یاخالانیب. ائوده یوخلاما آپارارکن ۳۳ آوتومبیل، ۳۶ موبیل تلفون و چوخلو میقداردا آلکللو ایچکیلر آشکارالاناراق گؤتورولوب.
عملیات زامانی همچینین گئجه کامپانییاسینا قاتیلانلاردان بعضیلرینین قاچماسینین قارشیسینی آلماق مقصدیله پلیس قوهلری اودلو سلاحدان ایستیفاده ائدرک هاوایا آتش آچماق مجبوریتینده قالیب».
حسن حیدری توتولانلارین پلیس بؤلمهسینه آپاریلدیغینی، حاضردا دیندیریلدیینی بیان ائدیب.
خاطیرلاداق کی، ۲۰۱۶-جی ایلین ایون آییندان بو گونه کیمی ایرانین مختلیف شهرلرینده پلیسین قیز و اوغلانلارین بیرگه قاتیلدیغی گئجه قوناقلیقلارینا و آد گونلری مراسیملرینه هجوموندا ان آزی ۱۳۰۰ آدام حبس ائدیلیب.
تاریخ
2017.05.21 / 14:01
|
مولف
Axar.az
|