ایشله‌مک اوچون تورکییه‌یه گئدن آذربایجانلی قادین تجاووزه معروض قالیب، اوزرینه نیترات تورشوسو تؤکولوب.

پوب‌لیکا. آذ خبر وئریر کی، ۴۱ یاشلی، ۲ اوشاق آناسی آرزو ایسماییلووایا قارشی بو حرکتی بورج پول ایسته دیی تانیشی ائدیب.

سامسون تحصیل و تدقیقات خسته خاناسینین یانیق مرکزین‌ده معالیجه آلان آ.ایسماییلووا اونا قارشی بو حرکتی ائد‌نین جزالاندیریلماسینی طلب ائدیب.

آ.ایسماییلووا بیلدیریب کی، ۳-۴ ایل اول ایشله‌مک اوچون آذربایجاندان سامسونا گئدیب:

«بیر نئچه گون اول ایسه بورج پول ایسته دییم ر.پ. آدلی شخص منه تجاووز ائتمک ایسته‌دی، اونا اعتراض ائد‌نده ایسه نیترات تورشوسونو اوستومه تؤکدو. ائوده‌ن قاچاراق قونشولاری چاغیردیم. اونلارین کمکیله خسته خانایا یئرلشدیریلدیم. بو حالیملا بئله او، منی تهدید ائدیر، مئساژ یازاراق اؤلدورجه یینی دئییر. منه کؤمکلیک ائدیلمه‌سینی ایسته ییرم. همین شخص توتولمالی‌دیر».

آ.ایسماییلووانین وکیلی صمد چایلان حادثه ایله باغلی حقوقی پروسئدورلارین باشلاندیغینی بیلدیریب. معلوماتا گؤره، قادینین اوستونه نیترات تورشوسو تؤکن ر.پ. پولیس طرفیندن ساخلانیلیب، ایفاده وئرندن سونرا سربست بوراخیلیب.