ایندیکی ارمنیستان اراضیسینده ایندییه قدر آذربایجانلیلارین یاشامیش اولدوغو ۷۰۲ یاشاییش منطقه‌سینین آدی دییشدیریلیب. اونلارین بیر قیسمی سووت دؤورونده مرحله-مرحله دییشدیریلمیشدیر. ارمنیستان موستقیللیک الده ائد‌ندن سونرا ایسه آذربایجان یاشاییش منطقه‌لرینین آدلارینین دییشدیریلمه‌سی پروسسی تماملانیب. «نظامی» کیمی ایندی قید ائدیلن کندین ده آدی اصلینده دییشدیریلیب.

بو سؤزلری آخار. آذ-آ آچیقلاماسیندا آذربایجان میللی علملر آکادمییاسینین تاریخ اینستیتوتونون امکداشی ناظیم مصطفی ارمنیستاندا آدی دییشدیریلمه‌ین یئگانه کند – نظامی حاقدا سوسیال شبکه‌ده یاییلان معلوماتا آیدینلیق گتیررکن دئییب. تاریخچی عالیم قید ائدیب کی، نظامی کندینین ناخچیوان موختار رسپوبلیکاسینین ایشغال اولونان کندی ایله هئچ بیر آیدیتی یوخدور و بو باره‌ده یاییلان معلومات حقیقتی عکس ائتدیرمیر:

«ناخچیوانین آنکلاوی اولان و ۱۹۹۰-جی ایلده ارمنیستان طرفین‌دن ایشغال ائدیلن کرکی کندی ایله نظامی کندینی قاریشدیرماق اولماز. کرکی کندی سدرک رایونونون اینضیباطی اراضی واحیدینه داخیلدیر، نظامی کندی ایسه زنگیباسارا عاییددیر. بو یاشاییش منطقه‌سینین آدی ۱۹۷۸-جی ایل یانوارین ۲۵-نه قدر یوخاری نجیلی اولوب. بورادا عینی زاماندا آشاغی نجیلی کندی ده اولوب کی، ۱۹۷۸-جی ایلده اونون آدی «سایاتنووا»یا، یوخاری نجیلی کندینین آدی ایسه «نظامی»یه چئوریلیب. ایندییه قدر نظامی کندینین آدینین قالماسینا سبب ایسه منفور ارمنیلرین نیظامینی فارس شاعری کیمی «تانیمالاریدیر». یعنی «نظامی» آدلاندیریلان کند اصلینده یوخاری نجیلی کندیدیر و ارمنیلر بو آدی هله او واخت دییشدیرمیشدیلر. عمومیتله، قربی آذربایجاندا بوتون توپونیملریمیزی ارمنیلر ساختالاشدیریبلار».