بو گون باکی متروسوندا ایلک قطارین خطه بوراخیلماسیندان ۵۰ ایل اؤتور.

آخار. آذ خبر وئریر کی، ۱۹۶۷-جی ایلین ۱۶ اوکتیابر تاریخینده باکی‌دا ایلک قطار خطه چیخیب. بو باره‌ده ماراقلی معلومات پایلاشان باکی متروپولیتنین اجتیمایتله علاقه‌لر شعبه‌سینین مودیری نسیمی پاشایئو قید ائدیب کی، همین گون ۳۵۲۹-۳۵۳۰-۳۵۳۸ نمره‌لی ۳ واگن‌دان عبارت اولان قطار سیناق مقصدی داشیییب.

ماشینیست ناغی ناغییئو و کؤمکچیسی گنادی سمیونووون ایداره ائتدیی قطار ۰۵:۰۵-ده دپودان چیخاراق بوتون ایستانسییالاردا ("نریمان نریمانوو، "گنجلیک، "۲۸ مای"، "ساحل"، "ایچریشهر") دایانماقلا "باکی سووتی" ایستانسییاسینا دوغرو ایر‌لیله‌ییب.

سیناق قاتارینین سرعتی ۱۵ کم/ساعت اولوب. قطار «۲۸ آپرئل» (ایندیکی «۲۸ مای») ایستانسییاسینی کئچدیکدن سونرا دایانیب. آراشدیرما زامانی معلوم اولوب کی، تونل‌ده چالیشان ایشچیلردن کیم ایسه هرمتیک قاپی ردوکتورونون قاپاغینی ایمب یشینین اوستونه قویوب. ایشینی باشا ووردوقدان سونرا قاپاغی یئرینه باغلاماغی اونودوب. قطار همین یئره یاخینلاشاندا تیتره‌مه نتیجه‌سینده قاپاق یئشیین اوزریندن بیرینجی واگنون آلتینا دوشوب. نتیجه‌ده قطار یولدان چیخیب. همین گون آخشاما کیمی قزانین نتیجه‌لری آرادان قالدیریلیب و سهلنکارلیق ائد‌ن ایشچی تهمت آلیب.

سونراکی گونلرده بیر نئچه دفعه سیناق رئیسلری اوغورلا حیاتا کئچیریلیب.

قئید ائدک کی، باکی‌دا ایلک مترو ۱۹۶۷-جی ایل ۶ نویابر تاریخیندن فعالیته باشلاییب. باکی شهرینده متروپولیتنین ۵ ایستانسییاسی – «باکی سووئتی»، «۲۶ باکی کومیسساری»، «۲۸ آپرل»، «گنجلیک» و «نریمان نریمانوو» ایستانسییالاری و ۹.۲ کم-لیک یئرآلتی خطلری اولان بیرینجی نؤوبه‌سی ایستیثمارا وئریلیب.

خاتیرلاداق کی، باکی متروسو ایسلام اؤلکه‌لری آراسیندا قورولان ایلک متروپولیتندیر.