آذربایجان دانیشیقلار پروسسین‌ده ایشتیراک ائتمکله ارمنیستانا شانس وئریر.

بونو آخار. آذ-آ آچیقلاماسین‌دا میللت وکیلی آیدین میرزازاده دئییب. میللت وکیلی وورغولاییب کی، آذربایجان تورپاقلارینی ایشغالدان آزاد ائتمک اوچون ایسته‌نیلن واریانتدان ایستیفاده ائتمک حقوقونا مالیک‌دیر:

«آذربایجان دانیشیقلار پروسسین‌ده ایشتیراک ائتسه ده، ائتمه‌سه ده، حاقلیدیر. چونکی اورتادا آذربایجان تورپاقلارینین ایشغالدان آزاد اولونماسی مسئله‌سی دورور. ارمنیستان آذربایجانین اراضی بوتؤولویونو تانیمیر، بیرلشمیش میلتلر تشکیلاتی تهلوکه‌سیزلیک شوراسینین ۴ قطعنامه‌سینی قبول ائتمیر و اونون سلاحلی قوه‌لری هله ده آذربایجان اراضیسینده‌دیر. آذربایجان تورپاقلارینی ایشغالدان آزاد ائتمک اوچون هر آن حرکته کئچه بیلر. بو، اؤلکه‌میزین بین الخالق تشکیلاتلارداکی عضولویوندن و سووئرئن حقوقلاریندان ایر‌لی گلیر. بونو بوتون دونیا قبول ائدیر، ائرمنیستان ایسه کیفایت قدر آچیق درک ائدیر. اصلین‌ده، آذربایجان دانیشیقلاردا ایشتیراک ائتمکله ائرمنیستانا بؤیوک ایتکیلردن قورتولماق، آغیر ضربه‌لردن خلاص اولماق شانسی وئریر. سونونجو گؤروشده طرفلر خاریجی ایشلر ناظیرلیینه موافیق تاپشیریقلار وئریبلر و مینسک قروپو همصدرلری بو یاخینلاردا اونلارلا گؤروشه‌جک. بو گون پروبلمین حل ائدیلمه‌سی آذربایجاندان داها چوخ ارمنیستانا لازیمدیر. ارمنیستانین یوروتدویو سیاست نتیجه‌سینده اهالیسیندن محروم اولماغی و بئله‌لیکله ده دؤولتچیلیینه سون قویولماسینی گؤزه آلیر. دانیشیقلار پروسسینین بوندان سونرا داوام ائدیب-ائتمه‌مه‌سی ایسه آرتیق بیر نئچه فاکتوردان آسیلی اولاجاق. آذربایجان گله‌جکده وضعیتدن آسیلی اولاراق نؤوبتی آددیملارینی معین ائد‌جک».