باکی-تیفلیس-قارص دمیر یولونون ایستیثمارا وئریلمه‌سیندن سونرا لاییحه‌یه رئگیوندا ماراق داها دا آرتیب.

بو سؤزلری آخار. آذ-آ کئچمیش مالییه ناظری، اقتصادچی پروفسور فیکرت یوسیفوو ایرانین باکی-تیفلیس-قارص دمیر یولونو تبریز شهرینه قدر اوزادیلماسی ایله باغلی تکلیفینه موناسیبت بیلدیررکن دئییب. او بیلدیریب کی، لاییحه‌نین ایشله‌نمه‌سی ایله باغلی ایران طرفینین آرتیق تورکییه ایله دانیشیقلار آپاراراق مموراندوم ایمضالاماسی تقدیرلاییقدیر:

«ایرانین باکی-تیفلیس-قارص دمیر یولونو تبریز شهرینه قدر اوزاتماقلا باغلی تکلیفی ده دئدییمیز ماراقلار سیراسیندان اولان مسئله‌دیر. چونکی باکی-تیفلیس- قارص دمیر یولو خطینین گئنیشلندیریلمه‌سی اونون بوتون جهتلردن داها ماراقلی اولماسی دئمک اولاجاق. لاییحه‌نین مؤلفی کیمی بو تکلیف آذربایجان طرفی اوچون ایران و تورکییه اوچون اولدوغوندان هئچ ده آز ماراقلی دئییل. باکی-تیفلیس-قارص دمیر یولونون تبریزه قدر اوزادیلماسی، پراکتیک اولاراق آذربایجان و گورجوستان اوزریندن ایرانلا تورکییه آراسیندا دایروی دمیر یولونون یارانماسی دئمکدیر. بئله اولان حالدا بوتون دایروی یوللار کیمی، بو یولون دا اهمیتی داها دا آرتاجاق و اوندان ایستیفادنین ثمره‌لیلیگی یوک‌سه‌له‌جک».

اقتصادچی وورغولاییب کی، اگر باکی-تیفلیس-قارصنین تبریزه قدر اوزادیلماسی حیاتا کئچیریلسه، بونون آذربایجان اوچون اقتصادی ثمره‌لیلیگی ده آرتاجاق:

«نظره آلمالیییق کی، بو دمیریولو ایله تک سرنیشین یوخ، عینی زاماندا یوکلرین داشینماسی دا حیاتا کئچیریله‌جک و رئگیوندا اهمیت‌لی نقلیات دهلیزی رولونو اوینایاجاق».

قید ائدک کی، اؤتن گون ایرانین یول و شهرین اینکیشافی ناظری عباس آخوندی باکی-تیفلیس-قارص دمیر یولونون تبریز شهرینه قدر اوزادیلماسینی تکلیف ائدیب.