بو گون آخار. آذ سایتینین گونئی آذربایجان بؤلمه‌سینین - گا.آخار.آذ-ین ۱ یاشی تمام اولور.

۲۰۱۶-جی ایل دکابرین ۱-ده فعالیته باشلایان سایت قیسا زامان عرضینده دونیانین مختلیف بؤلگه‌لرینده یاشایان و عرب الیفباسی ایله یازیب-اوخویا بیلن آذربایجان تورکلری دونیادا و اؤلکه‌میزده باش وئرن خبرلری غرضسیز، اوپراتیو شکیلده گا.آخار.آذ Ga.Axar.az-دا اؤز آنا دیللرینده اوخویا بیلیرلر.

بیر ایللیک فعالیتلری ایله باغلی سایتین رداکتورو علیرضا زامانی بیلدیریب کی، سایتی ایران‌دا، عراق‌دا، افغانیستان و آوروپادا یاشایان آذربایجان‌لیلار ایزلییر:

«سایت بو بیر ایلده گونئیلی سویداشلاریمیزا اؤز آنا دیللرینده خبر منبعی اولماغا چالیشدی و بونا قیسما ده اولسا نایل اولا بیلدی. دونیادا آذربایجان دیلینده عرب الیفباسی ایله ۱۰۰-دن آرتیق سایت وار. اونلارین هامی‌سی آذربایجان دیلینین آیری-آیری لهجه‌لرینده و یاخود عرب-فارس جمله قورولوشو و ایفاده‌لری ایله چالیشیر. گا.آخار.آذ Ga.Axar.az ادبی دیل نورمالاریندا یاییم‌لانان یئگانه سایتدیر. سایتیمیزین اساس هدفی ده عرب الیفباسیندا اوخویوب-یازان سویداشلاریمیزا آذربایجان ادبی دیلینده خبر تقدیم ائتمکدیر».

علیرضا زامانی بیلدیریب کی، سایتین اوخوجو آودیتورییاسی آذربایجان ادبی دیلین‌دن عمومیتله معلومات‌سیزدیر:

«تأسف کی، آذربایجان رئسپوبلیکاسین‌دان کناردا یاشایان و خصوصاً عرب الیفباسی ایله یازیب-اوخویان میلیونلارلا سویداشیمیز آذربایجان ادبی دیلینی بیلمیرلر. بو ایسه معین معنادا خبرلریمیزین آنلاشیلماسین‌دا پروبلئم یارادیر. چتین‌لیگی آرادان قالدیرماق اوچون «آنا دیلی» بؤلمه‌میز فعالیت گؤستریر، دیلچی عالیملریمیز آذربایجان ادبی دیل نقایدالارینی حددن آرتیق ساده و آنلاشیقلی فورمادا ایضاح ائد‌ن گونده‌لیک مقاله‌لر یازیرلار.

همچینین آذربایجان دیلینین دیالکت خصوصیتلری، دیالکت‌ده ایشله‌نه‌ن سؤزلر و ادبی دیلده قارشیلیغی، همچینین یازیلیش فورماسی دا آیریجا «آنا دیلی» بؤلومونده تقدیم ائدیلیر».

علیرضا زامانی یاخین گله‌جک‌ده بو سایه‌ده گؤرونتولو (ویدئو) لاییحه‌لر هدفلدیکلرینی ده قید ائدیب.