داخیلی ایشلر ناظیرلیینین حبسده اولان سابیق باش عملیات مووکی‌لی حاجی ممدوو اینتیحار ائدیب.

آخار. آذ خبر وئریر کی، خزر رایون پروکورورلوغوندان آپا-یا وئریلن معلوماتا گؤره، حادثه عدلیه ناظرلیگی پنیتنسیار خیدمتین ورم اوزره ایختیصاصلاشدیریلمیش موسسه‌سینده باش وئریب.

موسسه‌ده معالیجه آلان حاجی ممدوو اؤزونو آساراق اینتیحار ائدیب و اونون حیاتینی خلاص ائتمک مومکون اولماییب.

حاضردا حادثه یئرین‌ده خزر رایون پروکورورلوغونون امکداشلاری ایشلییر. فاکتلا باغلی جینایت مجلله‌سینین ۱۲۵-جی ماده‌سی ایله (اؤزونو اؤلدورمه حدینه چاتدیرما) جینایت ایشی باشلانیب، اینتیحارین سببلری آراشدیریلیر.

خاطیرلاداق کی، داخلی ایلر ناظیزلیین سابیق باش عملیات مووکیلی حاجی ممدوو و داها ۲۶ نفر ۲۰۰۵-جی ایلین مارتین ۹-دان ۱۰-نا کئچن گئجه میلی تهلوکسیزلیک ناظیرلیینین حیاتا کئچیردیی «قارا کمر» عملیاتی نتیجه‌سینده حبس ائدیلیبلر.

ممدووا قارشی جینایت مجلله‌سینین ۸۰ ماده‌سی ایله اتهام ایر‌لی سورولوب، باره‌سینده املاکی مصادیره اولونماقلا عؤمورلوک حبس جزاسی چیخاریلیب.

محکمه‌نین قرارینا اساساً داخیلی ایشلر ناظیرلییین باش جینایت آختاریش ایداره‌سینین کئچمیش ریسی زاکیر نصیروو و داها ۸ نفر ده عؤمورلوک حبس جزاسینا محکوم ائدیلیب.

قید ائدک کی، "پریمتایم"این یایدیغی بو خبری عائله‌سی تکزیب ائتمیشدی. عائله عضولریندن بیری آز اؤنجه موساوات. کوم-آ یاییلان خبرین یالان اولدوغونو، حاجی ممدووون اؤزونو یاخشی حس ائتدیینی بیلدیرمیشدی.

***

حاجی ممدووون اینتیحار سببی ایله باغلی ایلک احتیمال ایر‌لی سورولوب.

تانینمیش ژورنالیست آیگون مورادخانلی سوسیال شبکه حسابیندان بیلدیریب کی، او، آغیر خسته‌لیکدن اذیت چکیرمیش:

«حاجی ممدوودا خرچنگ واردی. ۱-۲ دفعه ده اینتیحارا جهد ائلمیشدی. سون ایللر شکیل چکیردی. هامیسی دا کودلو، مئساژلی. گؤره‌سن، کیمده‌دی شکیللر؟»