یارانان شرایطه گؤره، دونالد ترامپ جنوبی قافقازلا باغلی اؤز سلفی باراک اوبامادان فرقلی اولاراق، داها آقرئسسیو سیاست یوروتمه‌لی اولور.

آخار. آذ خبر وئریر کی، بونو «حاقین. آذ» سایتینا آچیقلاماسیندا آمریکانین آذربایجانداکی کئچمیش سفیری متیو برایزا سؤیله‌ییب. اونون سؤزلرینه گؤره، آمریکانین «ژاوئلین» تانک علیهینه راکت کومپلکسلرینی گورجوستانا وئرمه‌سی مثبت حالدیر.

برایزا، همچینین، گورجوستانین و آذربایجانین آمریکا اوچون دوست اؤلکه اولدوغونو بیلدیریب:

«اؤزونون خاریجی سیاستین‌ده ترامپ جنوبی قافقازا پراکتیک اولاراق خصوصی دقت آییرمیر. لاکین او، کنگرسین گورجوستانا سلاح تداروکونه مقاومت گؤسترمه‌یه‌جک. بو او دئمکدیر کی، آمریکا دؤولت کاتیبی رکس تیلرسون و دیگر حکومت نماینده‌لری اوباما آدمینیستراسییاسینین یوروتدویو سیاستی تکرارلاییرلار. اوللر اوباما دا اؤز سلفی جورج بوشون جنوبی قافقاز و روسییا ایله موناسیبتلرین یئنی‌لنمه‌سینده یوروتدویو آقرسیو سیاستی محدودلاشدیرماق ایستییردی. لاکین سونرادان او، گورجوستانلا یاخینلاشمانی و آمریکانین جنوبی قافقازداکی مؤقعلرینین محکملندیریلمه‌سینی سئچدی. لاکین اوباما تیفلیسه سلاح وئرمه‌یه حاضر دئییلدی.

آمئریکا دموکراتییاسیندا اؤلکه پرزیدنتی کنگرسین فیکرینی نظره آلماغا مجبوردور. آغ ائوین گوندلیینده گورجوستان و اوکراینایا، عمومیتله، سلاح ساتیلماسی ایله باغلی گونده‌م یوخ ایدی. گؤرونور، ترامپ اوبامادان فرقلی اولاراق، داها آقرسیو سیاستی یوروتمه‌یه مجبوردور».