کولت. آذ ژام-نیوس. نئت-ا ایستینادن اورخان عظیمین «آذربایجانین کؤچری چوبانلاری» فوتوسئسییاسینی تقدیم ائدیر.

ترکه‌مه‌لر کؤچری مالدارلاردیر. آذربایجانداکی ترکه‌مه‌لر «ائتنیک قروپ» حساب ائدیلیر، بو کلمه داها چوخ اونلارین پئشه‌سینی دئییل، حیات طرزینی ایفاده ائدیر.

ترکه‌مه‌لر بؤیوک قافقاز داغ سیلسیله‌سینین شرق اتکلرین‌ده و مرکزی آراندا یاشاییرلار. اونلار قویون و کئچی بسلییرلر. ترکه‌مه‌لر ایلده ایکی دفعه کؤچ ائدیرلر: مای‌دا یایلاقلارا، سنتیابر-اوکتیابر آیلاریندا ایسه قیشلاقلارا کؤچورلر. اونلارین قیشلاقلاری خیزی و شاماخی رایونلاری اطرافیندا یئرلشیر. فوتولار دا ائله اورادا چکیلیب.
ترکه‌مه‌لرین ایکی ائوی اولور – قیش و یای ائوی. بونلار ان چوخو اوچ اوتاق‌دان عبارت اولان کیچیک کرپیج ائولردیر – ائوین ساحه‌سی عائله‌نین ترکیبین‌دن آسیلی‌دیر.

ترکه‌مه‌لرین حیاتی، اؤزلرینین دئدیینه گؤره، چتین و ماراقلی‌دیر. اونلار بو پئشه‌نی اجدادلارین‌دان میراث قالان ثروت حساب ائدیرلر. و دئییرلر کی، بو ایش مهارت طلب ائدیر.

رجبوولار عائله‌سینین باشچیسی ارسطون رجبوو ۳۰ ایلده‌ن چوخدور کی، ترکه‌مه حیاتی یاشاییر. ارسطون دئییر کی، اوشاقلارین‌دان بیرینین اونون ایشینی داوام ائتدیرمه‌سینی چوخ ایستییر.

ایکی اوشاقلی عائله‌نین گونده‌لیک قایغیلاری ساده‌جه مال-قارانین اوتاریلماسین‌دان عبارت دئییل. اوشاقلاری قیشلاق یئرین‌دن ۱۰-۱۵ کیلومئتر مسافه‌ده یئرلشه‌ن مکتبه آپارماق لازیم‌دیر. آیدا بیر دفعه ترکه‌مه‌لر «رایونا دوشورلر»، اؤزلرینین دئدیی کیمی، ارزاق – ماکارون، اون، کیبریت آلماق اوچون ان یاخین شهره گئدیرلر.

ترکه‌مه‌لر کندلر شکلین‌ده یوخ، کیچیک قروپلار حالین‌دا یاشاییر. مثلاً، خیزی‌دا ۶-۷ عائله وار، شاماخی‌دا ایسه جمعی بیر عائله تاپا بیلدیک. کؤچریلر اوچون «توپلاشماق» ایسته یینین اولماماسی طبیعی‌دیر – آخی هر بیر سورونون مومکون قدر بؤیوک اوتلاق یئرینه احتیاجی وار.

چوبانلار هامی‌دان تئز اویانیر، قویون سورولرینی اوتلاقلارا آپاریرلار. کیشیلر مال-قارانی اوتاردیغی مدت‌ده قادینلار ائو ایشلری ایله مشغول اولور. ساغدیقلاری سوددن یاغ، پئندیر و باشقا آغارتی محصوللاری حاضیرلاییرلار، تویوق-جوجه‌نی یئمله ییر، آزی ایکی گونده بیر دفعه چؤرک بیشیریرلر. اونلار بونو دده-بابا قایداسی ایله ائدیرلر: خمیر یوغورور، یوخا یاییر و ایستی ساج اوستونده بیشیریرلر.