۲۰-جی عصرین اووللریندک ارمنی لوغتلرینده «لاواش» سؤزونه راست گلینمیر. لاکین ۲۰۱۴-جو ایل نویابرین ۲۶-دا پاریسده یونسکو-نون غیری-مادی مدنی ارث اوزره حکومتلرآراسی کمیته‌سینین ۹-جو ایجلاسینین گئدیشینده ارمنیستان «عنعنوی ارمنی چؤریی – لاواشین» قورومون غیری-مادی مدنی ارث اوزره سیاهیسینا داخیل ائدیلمه‌سی اوچون عریضه ایله مراجعت ائتمیشدی.

کولت. آذ خبر وئریر کی، بو باره‌ده تفرعات ناظیم مصطفی، آراز قوربانوو و ائلشاد علیلینین مؤلف‌لیگی ایله یئنیجه درج اولونان «ارمنی ساختاکارلیغی. یالان اوزرینده قورولان تاریخ» کیتابیندا عکسینی تاپیب. معلومات‌دا بیلدیریلیر کی، ارمنیستان طرفینین قوروما تقدیم ائتدیی فایل «لاواش: عنعنوی ارمنی چؤریینین حاضرلانماسی، اهمیتی و خاریجی گؤرونوشو مدنیتین ایفاده‌سی کیمی» آدلانیردی.

«ایلکین اولاراق یونسکو-نون حکومتلرآراسی کومیسسییاسی بو فورمولو قبول ائتمیشدی. لاکین آذربایجان، ایران و تورکییه درحال بو فورمولا اعتراض ائتدیلر. ایران طرفی لاواشین قدیم ایران چؤرک نؤعو اولدوغونو بیلدیردی. آذربایجان لاواشین بوتونلوکده بؤلگه‌نین مدنی المنتی اولدوغونو بیان ائتدی. تورکییه آذربایجانین مؤوقعینه دستک وئردی. اعتراضلاردان سونرا یونسکو فورمولو دییشه‌رک فایلی بئله آدلاندیردی: «لاواش: عنعنوی چؤریین حاضرلانماسی، اهمیتی و خاریجی گؤرونوشو ارمنیستان‌دا مدنیتین ایفاده‌سی کیمی»، - مقاله‌ده بیلدیریلیب.
داها سونرا کیتابدا لاواش حاق‌دا ماراقلی معلومات عکسینی تاپیب:

«مایاسیز خمیردن حاضیرلانمیش لاواش تاریخاً قافقازدا، تورکییه‌ده، ایران‌دا، اورتا آسییا و وولقابویو بؤلگه‌لرین‌ده یاییلمیشدیر. بعضی شرق اؤلکه‌لرین‌ده ایسه بو چؤریین اؤز رگیونال آدلاری واردیر. تکجه ائله بو سببدن ارمنی طرفینین بو معمولاتی موستثنی اولاراق اؤز مدنیتینه عایید ائتمک جهدلری حیرت دوغورور. «لاواش» سؤزو بیر چوخ تورک دیللرینده یاییلیب و یالنیز چؤرک آدی دئییل. بو کلمه بیر چوخ نازیک، یاییلمیش، لایلانمیش قیدا نؤولرینه ده عایید ائدیلیر. ارمنی دیلینین داشیییجیلاری ایسه تورک دیلینین بو اینجه‌لیکلرینی بیلمه‌دن «لاواش» سؤزونو صرف نازیک یاییلمیش چؤره‌یه شامیل ائدیرلر. «لاواش» سؤزو ۱۳-جو عصر تورک متنلرینده قیده آلیندیغی حالدا، ارمنی لغتلرینده بو سؤزه حتی ۱۸-جی-۱۹-جو عصرلرده و ۲۰-جی عصرین اوللرینده ده راست گلینمیر. قید ائدک کی، هله ۲۰-جی عصرین بیرینجی یاریسیندا ارمنی متخصصلری اؤز کیتابلاریندا لاواشین تورکلره عایید ائدیلن متبخ نمونه‌سی اولدوغونو اعتراف ائدیردیلر. مثلاً، ۱۹۴۰-جی ایلده موسکوادا «آذربایجان مطبخینین ۵۰ یئمک نؤوو» آدلی کیتاب (ترتیب‌چیلر س. مئسروپیان و سخیرتلادزه) نشر اولونموشدو. مؤلفلر آذربایجان مطبخینه عایید اولان «لوله کابابی» باره‌ده ایزاهات وئررکن، حاضیرلاندیق‌دان سونرا اونون «آذربایجان میللی چؤریی اولان لاواشا» بورونه‌رک سفره‌یه تقدیم ائدیلدیینی یازمیشلار. ۴۷۱ طبیعی کی، س. مسروپیان و سخیرتلادزه کیمی مؤلفلر جنوبی قافقازین مطبخینه یاخیندان بلد ایدیلر».