ارمنیستان ترانزیت دؤولت کیمی اونیکال سیاسی و اقتصادی ایمکانلارا صاحب‌دیر. بو ایمکانلارینی رئاللاش‌دیرماق اوچون ایروان قاراباغ پروبلمینین حلینی تاپمالیدیر.

آخار. آذ خبر وئریر کی، بونو «1in.am» سایتینا موصاحیبه‌سینده اوکراینالی آنالیتیک ویتالی پورتنیکوو دئییب.

«ارمنیستان ایلک نؤوبه‌ده قاراباغین، داها سونرا ایسه آوتوریتاریزمین اسیریدیر. قاراباغ کونفلیکتی حل ائدیلمدن، تورکییه و آذربایجانلا سرحدلر آچیلمادان، بوتون قونشولاریندان تهلوکه‌سیزلیک ضمانتی آلمادان ارمنیستان اقتصادی و سیاسی سیتواسییا دییشمز اولاراق قالاجاق. اگر رسورسلار یوخدورسا، حیاتی یاخشیلاشدیرماق اولماز. بو رسورسلار ارمنیستانین گئوستراتژی وضعیتینین اساسیندا گیزلنیر. هئچ بیر روس بازاسی بو رسورسلاری دییشمه‌یه‌جک. بونو عدالتلی شکیلده اعتراف ائدیب، یئنی رهبرلییه سوال وئرمک لازیمدیر. اگر یئنی رهبرلیک قاراباغدا ایستاتوس-کوونو ساخلاماق ایستییرسه، او زامان او، آوتوماتیک اولاراق یوخسوللوق، امیقراسییا مسئله‌سینده ده ایستاتوس-کوونو ساخلایاجاق»، – دئیه او بیلدیریب.

اکسپئرتین فیکرینجه، ایروانداکی اعتراضلار ولادیمیر پوتینین پوستسووت مکانیندا قویدوغو اویون قایدالارینا قارشی اعتراضدیر:

«بو اویون قایدالاری حاکم کلانلارلا باغلی‌دیر. بونا گؤره، حاکمیت مسئله‌لری کوچه‌لرده یوخ، کابینتلرده حل ائدیلیر. پاشینیان اعتراضلارین گئوسییاسی کونتکستی اولمادیغینی دئییر. بس پاشینیان اؤلکه‌نی نئجه ایداره ائتمک ایستییر؟ اگر اونون یئگانه هدفی باش ناظر اولوب، سئرژ سرکیسیانین کورسونو داوام ائتدیرمک‌دیرسه، او زامان موخالیف لیدر آرتیق ایندیدن مغلوبیته اوغراییب».