اؤتن ایل آذربایجان‌دا اینسان آلوئری و مجبوری امک فاکتلارینا گؤره باشلانمیش جینایت ایشینین ۲۸-نین ایستینتاقی یئکونلاشیب.

ترئند-این معلوماتینا گؤره، بو باره‌ده اینسان آلوئرینه قارشی موباریزه اوزره میللی کووردیناتورون اینسان آلوئرینه دایر معلوماتیندا بیلدیریلیب.

معلوماتدا بیلدیریلیر کی، ایستینتاقی یئکونلاشان جینایت ایشی اوزره ۳۳ شخص تقصیرلندیریلن شخص قیسمینده محکمه مسئولیتینه وئریلیب کی، اونلاردان ۲۵- قادین، ۸- ایسه کیشی‌دیر.

همین شخصلردن ۲۹-او باره‌سینده اتهام حؤکمو چیخاریلاراق ۲۳ نفر شرطی محکوم ائدیلیب، ۵ نفر آزادلیق‌دان محروم ائدیلیب، ۱ نفر باره‌ده اولان حؤکمون ایجراسی تاخیره سالینیب.

اینسان آلوئری جینایتلری تؤرتدیینه گؤره باره‌سینده آختاریش اعلان اولونان ۵۵ تقصیرلندیریلن شخص‌دن ۳۲-سی توتولوب، او جمله‌دن ۲ نفرین باره‌سینده اینترپول واسطه‌سیله آختاریش اعلان ائدیله‌رک یئری معیینلشدیریلیب.