آمریکانین کالیفورنییا ایشتاتینین سان-دیه گو شهری مایین ۲۸-نی «آذربایجان دموکراتیک رسپوبلیکاسینین ۱۰۰ ایللیی گونو» اعلان ائدیب.

آذربایجانین لوس انجلس‌ده‌کی باش کونسوللوغوندان آخار. آذ-آ وئریلن معلوماتا گؤره، بونونلا باغلی سان-دیه گو مری، شهر شوراسینین صدری و بوتون عضولری طرفیندن مووافیق بیاننامه ایمضالانیب.

سندده آذربایجان خالقینین موسلمان دونیاسیندا ایلک دونیوی و دموکراتیک رسپوبلیکا یاراتدیغی، همین رسپوبلیکانین قیسا مدتده بؤیوک سایدا مترققی اصلاحاتلارا ایمضا آتدیغی، نینکی موسلمان دونیاسیندا ایلک دفعه، ائلجه ده دؤورون بیر سیرا قاباقجیل دؤولتلریندن ده اؤنجه قادینلارا سئچیب-سئچیلمک حقوقو وئردیی وورغولانیر. همچینین بو رسپوبلیکانین آمریکا و دیگر دموکراتیک دؤولتلر طرفیندن تانیندیغی قید اولونوب.

بیاننامه‌ده آذربایجانین ۱۹۹۱-جی ایلده اؤز مستقیللیینی برپا ائتدیکدن سونرا آمریکانین اؤلکه‌میزی تانییان و اونونلا دیپلماتیک موناسیبتلر قوران ایلک دؤولتلردن بیری اولدوغو بیلدیریلیب. عینی زاماندا اؤلکه‌میزین مستقیللیینی برپا ائتدیکدن سونرا اؤز سوورنلیینی و مستقیللیینی گوجلندیردیی، دونیانین ان سرعتله اینکیشاف ائد‌ن و چاغداشلاشان دؤولتلریندن بیرینه چئوریلدیی، بو گون رگیونون ان بؤیوک اقتصادیاتا مالیک اؤلکه‌سی و آمریکانین جنوبی قافقازدا ان بؤیوک تیجارت طرفداشی اولدوغو وورغولانیب.

سندده همچینین آذربایجانین لوس-آنجلس‌ده‌کی باش کونسوللوغو واسطه‌سیله سان-دیگو شهری ایله سون ایللرده گوجلو علاقه‌لر قوردوغو قید اولونوب.

بیاننامه‌نین سونوندا مایین ۲۸-نین سان-دیگو شهرینده «آذربایجان دموکراتیک رسپوبلیکاسینین ۱۰۰ ایللیی گونو» اعلان ائدیلیب.

قید ائدک کی، ۱.۴ میلیون اهالیسی و ۲۰۶ میلیارد دوللارلیق عمومی داخیلی محصولو اولان سان-دیه گو شهری کالیفورنییادا ایکینجی، آمریکادا ایسه سککیزینجی ان بؤیوک شهردیر. سان-دیه گو شهری ایله باکی شهری آراسیندا رسمی موناسیبتلر ۲۰۱۱-جی ایلده قورولوب.