ترامپ آدمینستراسییاسی پرزیدنت سئچیله‌ندن سونرا ایلک دفعه‌دیر کی، داغلیق قاراباغ مؤوضوعسوندا آچیق فیکیر بیلدیریر. چونکی اول بئله خبرلر یاییلمیشدی کی، ترامپ آدمینستراسییاسی آمئریکانین داغ‌لیق قاراباغ موناقیشه‌سی اوزره نماینده تعیین ائتمک‌ده ترددود ائدیر. آمئریکا موناقیشه ایله یاخیندان ماراقلاناجاق، یا یوخ؟ بو ایستیقامت‌ده شوبهه‌لر وار ایدی.

بو سؤزلری رئال-آ کئچمیش خاریجی ایشلر ناظری، سیاسی شرحچی توفیق ذولفوقاروو آمئریکا پرزیدنتی دونالد ترامپ و دؤولت کاتیبی مایک پومپئونون باکییا گؤندردیی مکتوبلارین مضمونونو شرح ائدرکن دئییب.

اونون سؤزلرینه گؤره، ترامپ آدمینستراسییاسیندان باکییا گپندریلن مکتوبلاردا داغلیق قاراباغ موناقیشه‌سینه خصوصی یئر وئریلمه‌سی اونو گؤستریر کی، آمئریکا بو مسئله ایله یاخیندان مشغول اولاجاق.

سابیق ناظر اونو دا بیلدیریب کی، دونالد ترامپ خاریجی سیاست‌ده سهولرینی دوزلتمک اوچون آددیملار آتیر.

"حتی دؤولت دپارتامنتی ده اونا قارشی بعضی موخالیف فیکیرلر سسلندیردی. خاریجی سیاست‌ده تجروبه‌سی اولمایان ترامپین بعضی سهولری وار ایدی. من حساب ائدیرم کی، آرتیق خاریجی سیاست‌ده سهولری آرادان قالدیرماغین واختی چاتیب. پومپئو و ترامپ مئساژلاری ایله قاراباغلا باغلی ماراغینی عکس ائتدیریب. آمئریکا همصدر اولاراق بو پروبلمین حل ائدیلمه‌سینده لازیمی آددیملاری آتمالی‌دیر. ارمنیستانما قارشی جدی تضییقلر اولمالی‌دیر. بو بیاناتلاردان سونرا رئال آددیملار آتیلمالی‌دیر".

آمئریکا پرزیدنتی دونالد ترامپ و دؤولت کاتیبی مایک پومپئو رسپبولیکا گونو موناسیبتی ایله پرزیدنت ایلهام علیئوه گؤندردیکلری مکتوبلاردا داغلیق قاراباغ موناقیشه‌سی ایله باغلی خصوصی قئیدلر ائدیبلر.

هر ایکیسی بیلدیریب کی، ایلهام علیئوله ایشلمه یی سبیرسیزلیکله گؤزلییرلر. ترامپ همچینین قئید ائدیب کی، قارشیدان گلن آیلار داغلیق قاراباغ موناقیشه‌سینین حلی اوچون ایمکانلار آچاجاق، بو ایسه آمئریکا-آذربایجان امکداشلیغینین گئنیشلندیریلمه‌سینه داها یاخشی شرایط یاراداجاق.

دؤولت کاتیبی ده مکتوبوندا قاراباغ موناقیشه‌سینه توخونوب. پومپئو بیلدیریب کی، داغلیق قاراباغ موناقیشه‌سینین صولح یولو ایله حلی یولونون تاپیلماسینا صادق قالیریق و طرفلری اینتئنسیو دانیشیقلاری تئزلیکله برپا ائتمه‌یه تاکیدله چاغیریریق.