آذربایجانین شیمال رایونلارینا ۱۴ سانتیمتردک قار یاغیب. ان چوخ یاغینتی خیزی رایونونون آلتیاغاج قصبه‌سینده قیده آلینیب.

قوبادا یئرلشه‌ن شیمال-شرق رگیونال هیدرومتورولوگییا مرکزین‌دن آذرتاج-آ بیلدیریلیب کی، داغ‌لیق اراضیلرده تئمپئراتور منفی ۱۱ درجه یه دک آشاغی دوشوب.

قوبانین قیریز کندینه ۶، خالتانا ۱۰، خینالیغا ۸، تنگالتینا ۱۳، قوسار رایونونون لزه کندینه ایسه ۷ سانتیمئتر قالین‌لیق‌دا قار دوشوب. قوبانین رایون مرکزین‌ده قارین قالین‌لیغی ۱۱ سانتیمئتردیر.

آذربایجان آوتومبیل یوللاری دؤولت آگنتلیینین یئرلی ایداره‌سیندن بیلدیریلیب کی، قوبا-خینالیق یولو قاردان تمیزلنیر. یئرلی ساکینلرین، ائل‌جه ده توریستلرین خینالیق کندینه گئدیش-گلیشین‌ده پروبلئم یوخ‌دور.

اوچ تئکنیکا و ۱۵ نفردن عبارت نؤوبت‌چی بریگادالار یولون داها تهلوکه‌لی ساییلان حیصه‌لرینه نظارت ائدیر.