آذربایجان‌لی میللی-مدنی فعاللار توحید امیر امینی و کیانوش آسلانی فئورالین ۲۰-ی آخشام ساعتلارین‌دا تهرانین اینقیلاب میدانین‌دا تهلوکه‌سیزلیک قوه‌لری طرفیندن ساخلانیلیب.

Axar.az خبر وئریر کی، هله‌لیک فعاللارین هانسی سبب‌دن ساخلاندیغی باره‌ده هئچ بیر معلومات یوخدور. لاکین اونلارین یاخینلاری احتیمال ائدیر کی، فعاللار تانینمیش میللی-مدنی فعال عباس لیسانینین ساخلانماسینا گونئی آذربایجان شهرلری و تهران‌دا ائدیلن اعتراضلارلا علاقدار ساخلانیلیب.

قید ائدک کی، بوندان اول تهلوکه‌سیزلیک قوه‌لری فعاللارین اردبیل‌ده یاشایان عائله عضولری ایله علاقه ساخلاییب اونلارا اؤولادلارینین مدنی فعالیتی ایله باغلی خبردارلیق ائدیبلر. فعاللارین عائله‌سینه چاتدیریلیب کی، توحید امیر امینی و کیانوش آسلانی فعالیتلرینی داوام ائتدیررسه، تهلوکه‌سیزلیک قوه‌لری طرفین‌دن ساخلانیلاجاق. فعاللار اونا قدر ده اجتماعی فعالیتلرینه گؤره تضییقلره معروض قالمیشدی.