گولش اوزره چئمپیون، آذربایجان‌لی مشهور ایدمان‌چی مصطفی قولوزاده قازاندیغی قیزیل، گوموش و بورونج مئداللارینی «تورکمن صحرا» سئل بؤلگه‌سینین اهالی‌سینه باغیشلاییب.

Axar.az خبر وئریر کی، ماراغالی ایدمان‌چی چرشنبه گونو «گنبد کاوس»دا مئداللارینی طبیعی فلاکتلردن ضررچکه‌نلره تقدیم ائدرکن گلستان ایالتین‌ده سئل فلاکتینین باش وئرمه‌سین‌دن چوخ تأثیرله‌ندیینی بیلدیریب.

گولشچی اؤلکه اوزره کئچیریله‌ن یاریشلاردا الده ائتدیی مئداللارین سئل بؤلگه‌سینین اهالی‌سینه باغیشلاماقلا باغلی اؤز مشق‌چی‌سی ایله مصلحتلشدیینی ده دقته چاتدیریب.

آذربایجان‌لی ایدمان‌چی ماراغا ایدمان جامیه‌سی طرفین‌دن طبیعی فلاکت بؤلگه‌سینه یاردیم کاروانی گؤندریلدیینی ده بیلدیریب. اونون سؤزلرینه گؤره، یاردیملار چؤرک، سو، کونسئرولشدیریلمیش محصوللار و داوا-درمان کیمی ضروری محصوللاردان عبارت اولوب.