گونئی‌ده میللی آزادلیق روحو چوخ یوکسک‌دیر. بو اووقاتین قارشی‌سین‌دا ایسه فارس رئژی‌می دایانیر. تأسفلر اولسون کی، ایران‌دا یاشایان دیگر خالقلارا آنجاق نؤکر کیمی باخیلیر، اونلار آشاغی‌لانیر و تحقیر اولونور. بو گون وضعیت آرتیق او حده چاتیب کی، دؤولت تئلئویزییاسین‌دا بئله خالق تحقیر اولونور. ایران‌دا اؤزل تئلئکانال یوخ‌دور، بوتون تئلئویزییا کاناللارینا دؤولت نظارت ائدیر. بونا گؤره ده دئیه بیلریک کی، بوتون بو حادثه‌لر ایرانین دؤولت سیاستی‌دیر».

تورکچولوک فاکتورو جنوبی آذربایجان‌دا یاشایان سویداشلاریمیزین میللی حرکاتینا ایستیمول وئریر. لاکین بو دا معلوم‌دور کی، جنوبی آذربایجان‌داکی سویداشلاریمیزین دیلی و مدنیتی مقسدیؤن‌لو شکیل‌ده جدی آسسیمیلیاسییایا معروض قالیب.

جنوبی آذربایجان‌دا بیر قیسیم توپلوم ایرانین آسسیمیلیاسییا سیاستینین قوربانی اولوب. بو قروپ اؤزلرینی ایران‌لی کیمی تقدیم ائدیر و ایرانین بوتؤولویونو مدافعه ائدیرلر. یعنی اونلار دوشونموور کی، جنوبی آذربایجان نه واخت‌سا ایران‌دان آیریلاجاق، شیماللا بیرلشه‌جک. لاکین بونونلا برابر، جنوبی آذربایجان‌دا سون ۲۰ ایلده بؤیوک بیر تورکچولوک حرکاتی باشلاییب. بو حرکاتین اساس قوه‌سی ایسه گنجلردیر. بیزیم شیمال‌دا موستقیل دؤولت قورماغیمیز جنوبی آذربایجان‌داکی سویداشلاریمیزا قول قاناد وئردی. بزه‌ن حتی بیر میلیون اینسان کوچه‌یه چیخاراق شوعارلار سسله‌ن‌دیرمه‌یه باشلاییردیلار. نتیجه‌ده بو کوتله‌نین ایچری‌سین‌دن تورک‌چولر چیخماغا باشلادی. دوزدور مؤوجود رئژیم جنوب‌لو سویداشلاریمیزا مانع اولور، لاکین بو مانع‌چی‌لیک تورکچولوک ایدئولوگییاسینین ضعیفله‌مه‌سینه گتیریب چیخارمیر، عکسینه داها دا آرتیریر. بو معنادا جنوبی آذربایجان‌دا اولان تورکچولوک نه شیمالی آذربایجان‌دا، نه ده تورکییه رئسپوبلیکاسین‌دا وار. دوزدور تشکیلاتلانما ضعیف‌دیر. اما جنوبی آذربایجان‌لی تورک‌چو سویداشلاریمیز تورکچولوک ایدئولوگییاسی اوغرون‌دا اؤلومه ده گئدرلر. تشکیلاتلانما ضعیف اولسا دا، دوشونوره‌م کی، ان گوج‌لو تورکچولوک جنوبی آذربایجان‌دادیر».