(تاریخ طبری، ص ۵۸۴۶)

بابک آذربایجانین ایگید قهرمانی افسانه¬لره سیغیشمیر. او آذربایجان ایگیدیدیر.

دئییرلر همان زمان خلیفه نین سارایداکی شاعیری ابوتمام طایی بابک حققینده بیر منظومه یازیر. اونون یازیسیندا بابکین آتی – قاراقاشقا قوشون ایله برابر سامرایا گلمیش.

بابک شهید اولان گون سحره دک شیهه چکیب های – کوی سالدی. ائله شیهه لر چکیردی کی گئجه نی سحره کیمی سامرادا یاتان اولمادی. یوخونو خلیفه-یه و سامرالی لارا حرام ائتدی. آنجاق صوبح اولدوقدا آذربایجانا ساری یولا دوشدو. داغلاری، دره لری، چؤللری دوزلری گئچیب آذربایجانا چاتدی. ساوالانا گئدیب اونون باشیندا اولان گؤل قیراغیندا شیهه لر چکدی و بابکی سسله دی. بابکدن خبر اولمادی و باشین قویوب دریایا گیردی. بوگون بو گؤلون آدی "آت گؤلو"دور. گؤلده بوغولسا دا هر ایل بابکین شهادت گونو – "شهریورین بیری" – گؤلدن چیخیب گؤلو دؤور وورور و بابکی – زمانه نین بابکینی سسله ییر. بابکدن خبر اولمادیقدا یئنه گؤله گیریر. بابک هاچان گله جک؟ (آت گؤلو ساوالان داغی نین قلّه سینده بیر گؤل دور)

دوکتور محمدرضا کریمی باغبان