آذربایجان‌لی فعال سیامک میرزایی باره‌سین‌ده یئنی محکمه ایشینین آچیلماسی، حبس مدتی باشا چاتماسینا باخمایاراق آزادلیغا بوراخیلماماسی و ائوین حبسخاناسین‌دا تهلوکه‌سیزلیک ناظیرلیینه عایید ۲۰۹-جو کولونا یئرلشدیریلمه‌سینه اعتراض اولاراق یئنی‌دن آجلیق آکسییاسینا ال آتیب.

آذنیوز. تو «گذار» سایتینا ایستینادا خبر وئریر کی، ائوین حبسخاناسین‌دا ساخلانیلان آذربایجان‌لی فعال سیامک میرزایی بازار ائرته‌سی، ۱ ایول (۱۰ تیر) ۲۰۱۹-جو ایل تاریخ‌دن یئنی‌دن آجلیق آکسییاسینا باشلاییب.

ائوین حبسخاناسینین نزدین‌ده‌کی محکمه‌نین ۶-جی شعبه‌سینین موستنتیقی سیامک میرزایینین سربست بوراخیلماسی موقابیلین‌ده ۳۰ میلیون تومن دیرین‌ده گیروو تعیین ائتسه ده، محکمه و تهلوکه‌سیزلیک اورگانلاری اونون حبس مدتینین باشا چاتماسینا باخمایاراق، اونون آزادلیغا بوراخیلماسینین قارشی‌سینی آلیر. بو آذربایجان‌لی فعال حبس مدتینین باشا چاتماسینا یالنیز ایکی گون قالمیش ائوین محکمه‌سینده یئنی بیر اتهاملا قارشیلاشیب.