اردبیل ایالتینین ۵۰۰ کندینین موبایل تلفن ایله دانیشماق ایمکانی یوخ‌دور.

آذنیوز. تی وی خبر وئریر کی، بو سؤزلری اردبیل ویلایتینین رابطه و اینفورماسییا تکنولوگییالاری باش دیرکتورو بهروز رزمی دئییب.

«تأسف کی، اردبیل ایالتینین ۵۰۰ کندینین ساکینینین موبایل تلفن ایله دانیشماق ایمکانی یوخدور. اردبیل ایالتینین گرمی و خالخال شهرلری اینکیشاف لاییحه‌لرینین حیاتا کئچیریلمه‌سین‌دن محروم اولان ویلایتلرین‌دن ساییلیرلار. بو بؤلگه‌لرده موبایل تلفن گوجلندیریجی قورغولارین قورولماسی ایستنیلیر. بیر چوخ کندلرده تلفن شبکه‌لرینین اولماماسی بیر یانا، اکثر غیری-فارس ویلایاتلرین کندلری آراسین‌دا یول، مکتب، طبیعی گاز، ایچمه‌لی سو، کند ساغلیق ائولری و الکتریک بئله اولماییب. بو سببلردن دولایی، بیر چوخ کندلر بوش قالیب و کندده‌کی اکین‌چیلر شهرلره کؤچمک مجبوریتینده قالیبلار».