شرقی آذربایجان ویلایتین‌ده مرند شهرینین هرزندت کندین‌ده قدیم جان‌لی نؤعو آشکارلانیب.

آذنیوز. تی وی خبر وئریر کی، بو باره‌ده «نشنال جغرافیک فارسی»نین عضوو عرفان خسروی معلومات وئریب.

«یئنی آشکارلانان جانلینین آدی تریوپسدور و چوخ احتیمال، تریوپس کانکریفورمیس عائله‌سینه عاییددیر. بو حیوان ایران‌دا میگوی بچه وزغی آدی ایله تانینیر. بویو ۲ – ۱۱ سم آراسین‌دا دییشه‌ن جانلینین یومورتاسی ۲۰ ایل مدتین‌ده خاراب اولمادان قالا بیلیر. بئله کی، ۲۰ ایلده‌ن سونرا یاغیش یاغیب گؤل عمله گتیره‌ن‌ده آکتیولشیب بیر جان‌لی حیوان اولور. بو حیوان یئر کوره‌سینین ان یاشلی حیوانلاریندان‌دیر. بونلارین یاشی ۲۲۷ میلیون ایل (نورین تئریاس بالایی ) بون‌دان اوله قاییدیر. جانلینین دیگر اؤزل‌لیکلری سیستلرینین ۳۰ ایل مدتین‌ده سوسوز قالا بیلمه‌سی‌دیر. ۳۰ ایل مدت‌دن سونرا سیستین‌دن چیخیب حیاتینا داوام ائده بیلیر. ایران‌دا اوزون زامان قوراقلیق اولدوغو اوچون بو حیوان گؤرونمه‌ییب. بو ایلین یاغیشین‌دان سونرا یئنی‌دن فعالیته باشلاییبلار. بو حیوانین هرزندت کندینین سو آنبارین‌دا آشکارلانماسی بورانین زیست شناسی و بوم شناسی باخیمین‌دان اهمیت‌لی اولدوغونو اثبات ائدیر»، – دئیه خسروی بیلدیریب.