یوخاری

ایران و آذربایجان دمیر یوللاری آراسین‌دا امکداش‌لیق گئنیش‌لنیر-رسولی

آنا صحیفه توپلوم
12 Punto 14 Punto 16 Punto 18 Punto

ایران ایله آذربایجانین دمیر یوللاری آراسین‌دا فای‌دالی امکداش‌لیق علاقه‌لری مؤوجوددور.

آخار. آذ خبر وئریر کی، بو سؤزلری ایران دمیر یوللارینین پرزیدنتی و ایداره هئیتینین صدری سعید رسولی دئییب.

او، اؤتن آی باکییا ائتدیی سفری خاطیرلاداراق بیلدیریب کی، «آذربایجان دمیر یوللاری» شیرکتی ایران آستاراسین‌دا اینفراستروکتور لاییحه‌لرین حیاتا کئچیریلمه‌سین‌ده ایشتیراک ائدیر. شرکت آستارادا دمیر یولو واغزالینین و یوک ترمینالینین تیکینتی‌سینی داوام ائتدیریر.

رسولی قید ائدیب کی، آذربایجان «شیمال-جنوب» بین الخالق نقلیات دهلیزینین ده تام اولاراق فورمالاشماسین‌دا فعال‌لیق گؤستریر. بو امکداش‌لیق نتیجه‌سین‌ده ایران ایله آذربایجانین سرحدیانی بؤلگه‌لری اقتصادی اینکیشافا قوووشاجاق. هر ایکی طرف‌ده مینلرله ایش یئری یارادیلیب کی، بو دا اهالینین سوسیال رفاه حالینین یاخشیلاشماسینا خیدمت ائدیر.

رسولی نظره چاتدیریب کی، محض ایران ایله آذربایجانین دمیر یولو ساحه‌سین‌ده امکداش‌لیغی نتیجه‌سین‌ده آسییا ایله آوروپا دمیر یولو نقلیاتی باخیمین‌دان بیرلشه‌جک. آسیا اؤلکه‌لری آوروپایا، آوروپا اؤلکه‌لری ایسه فارس کؤرفزی ساحللرینه و جنوب شرقی آسییایا چیخیش الده ائد‌جک. بو ایسه هر ایکی قیطعه‌نین تیجارت و اقتصادیاتینین اینکیشافینا بؤیوک تکان وئره‌جک.

تاریخ
2019.08.16 / 17:44
مولف
Axar.az
شرح لر
دیگر خبرلر

آذربایجان‌دا پ.ک.ک شنلیگی باش توتدو

میرشاهین آغایئو پرزیدنته تشکر ائتدی - فوتو

ایرانین کئچمیش پرزیدنتینین آدی کورروپسییا ایشینده حاللانیر

ایران سفیری مسکوا تراکتی ایله کرمان ترورونو عینیلشدیردی

ایران‌دا ۱۳ میلیون استیفاده‌یه یارارسیز آوتومبیل وار

تبریز بازارین‌دا رستورانلار باغلاندی

تبریزده مسجیدده پارتلاییش باش وئردی - ویدئو

ایران مئدیاسین‌دا موسوی‌یه قارشی هجوملار داوام ائدیر

اورمییا گؤلو اطرافین‌دا دوز فیرتیناسی اولدو

ایران‌دا ۱۱ قادین فعالا آغیر حبس جزاسی وئریلدی

خبر خطّی
Axar.az'da reklam Bağla
Reklam
Bize yazin Bağla