سوپر لیگانین باشلاماسی ایله یاناشی تبریزده اؤلکه‌نین بیرینجی و ایختیاصلاشمیش فوتبول موزئیی قورولاجاق.

آخار. آذ آذنیوز. تی وی-یه ایستینادا خبر وئریر کی، بو سؤزلری تبریز بلدییه صدری ایرج شهین باهر ژورنالیستلره آچیقلاماسین‌دا قید ائدیب.

«اؤلکه‌نین بیرینجی ایختیصاصلاشمیش فوتبول موزئیین‌ده تبریزین ۱۰۲ ایللیک، یعنی ۱۹۱۷-جی ایلده‌ن ایندییه کیمی فوتبول اثرلری، گؤرونتولری و تبریزین «تراکتور» کلوبونا عایید اثرلر یئرلشدیریله‌جک. موزئیین یئنی مکانی تبریزین ۲-جی بلدییه منطقه‌سی اولان زعفرانییه محله‌سی و خبرنگار کوچه‌سینین گیریشینده‌دیر. موزئیین یئنی مکانین‌دا تبریز فوتبولونا اؤزل نماد و یا سیمگه‌لر دوزه‌له‌جک، ائلجه ده سون ایکی دونیا چئمپیوناتینین سیمگه‌لری (کوپاسی)، فوتبال توپو و بیر فوتبولچونون هیکلی حاضرلانماق‌دادیر. اونلار موزئیین موختلیف یئرلرین‌ده قورولاجاق. موزئیین تیکینتی ایشلرینین ۹۰ فایزی تماملانیب، ایشین گئدیشاتینا گؤره ۱۹-جو لیقانین باشلاماسی ایله بیرلیک‌ده موزئی‌دن آچیلیش ائدیله‌جک»، – شهین باهر بیلدیریب.

خاطیرلاداق کی، آذربایجانین فوتبال موزئیی بون‌دان اؤنجه ۱۳۹۳-جو ایلده رضوان باغی تالارین‌دا اولان خانیملار پارکین‌دا یئرلشیردی.