تبریزین ایران پارلامئنتین‌ده‌کی میللت وکیلی اکبر اعلمی تخمیناً بیر هفته‌دیر قاراداغ مئشه‌لرین‌ده داوام ائد‌ن یانغینا مناسیبت بیلدیریب.

آخار. آذ خبر وئریر کی، بو باره‌ده اینستاگرام صحیفه‌سین‌ده ویدئو پایلاشان کئچمیش میللت وکیلی اؤلکه پرزیدنتی حسن روحانی‌دن باش وئره‌ن یانغینا دقت یئتیرمه‌سینی طلب ائدیب.

«ایرانین ان گؤزل مئشه‌لرین‌دن اولان قاراداغ مئشه‌لری صلاحیت‌لی اورگانلارین مسئولیت‌سیزلیگی اوجباتین‌دان یاناراق سیرادان چیخماق‌دادیر. بو یانغین بس نه زامان سؤن‌دوروله‌جک؟!

تصور ائدین کی، «بابک قالاسی»ندا بابک خوررمدینین آنیم مراسی‌می کئچیریلیر. مراسی‌می داغیتماق اوچون ایستیفاده ائتدیینیز ایمکانلار و حساسلیغینیزی، یانغینی سؤندورمک‌ده ده گؤسترین.»- دئیه او بیلدیریب.

اکبر اعلمی وورغولاییب کی، اهالی قیزیل آیپارا جمعیتی، مئشه و اوتلاق تشکیلاتی، اطراف موحیط تشکیلاتی و دیگر آیدیاتی اورقانلارین مسئولیتسیزلیینی و یانغین یئرینه هلی کوپترلررین گؤندریلمه‌مه‌سینی باغیشلامایاجاق.