آمریکا ایرانین آدریان دریا گمی‌سی ایله باغلی موختلیف اؤلکه‌لره خبردارلیق ائتمکله یاناشی ، ایکی میلیون بارل نئفت داشییان بو گمینین کاپیتانینا دا میلیونلارلا دلار پول تکلیف ائدیب.

آخار. آذ خبر وئریر کی، بو باره‌ده "فینانسیال تایمس" معلومات یاییب.

منبع بیدلیریب کی، آمریکل دولت کاتیبلیینین ایران مسئله‌لریله باغلی رسمی‌سی برایان هوک آرالیق دنیزین‌ده اوز‌ن و ایکی میلیون بارئل‌دن چوخ نفت یوکو اولان آدریان دریا (گراس-۱) نفت تانکرینین کاپیتانینا میلیونلارلا دوللار پول تکلیف ائدیب. معلوماتا اساساً آدریان دریا-نین هیندیستان‌لی کاپیتانی آخیریش کوماردان میلیونلارلا دلار قارشیلیغین‌دا طلب ائدیلیب کی، گمینی، ساخلانیلماسی مومکون اولان بیر اؤلکه ساحلینه ایستیقامتله‌ندیرسین.

منبع بیلدیریب کی، برایان هوک بو تکلیفی کاپیتانین الکترون پوچتاسینا گؤندریب و اونا ریفاهلی حیات وعد ائدیب.

آمریکانین دؤولت کاتیب‌لیگی "فینانسیال تایمس"این بو معلوماتینی تصدیقله‌ییب.

بونون آردیندان ایران خاریجی ایشلر ناظیری محمد جواد ظریف رسمی twitter صحیفه‌سین‌ده آمریکانین بو آددیمینا ماراقلی مناسیبت بیلدیریب:

"آمریکا پیراتلیقلا باجارمادیغی ایشی ایندی بیرباشا قیجیقلاندیرماقلا حیاتا کئچیرمک ایستییر. دئییر کی، ایران نفتینی بیزه وئرین میلیونلارلا دلار آلین یا دا سانکسییالارلا اوزلشه‌جکسیز."