سون گونلرده یاغان یاغیشلار اورمونون بعضی کندلرین‌ده داشقینا سبب اولوب.

بو باره‌ده قربی آذربایجان فؤوقه‌لاده حاللار تشکیلاتینین ری‌سی امیر عباس جعفری معلومات وئریب.

«چای‌دا لیل تمیزله‌مه ایشلرینین بیر حیسه‌سی یئکونلاشیب، قالان ایشلر ایسه ۴۰ گون ایچین‌ده تامام‌لاناجاق. سوسیال شبکه‌لرده سون گونلرده بو چای‌دا تمیزله‌نمه ایشلرینین آپاریلامادیغی اوچون سئل سولارینین آخما احتیمالی باره‌ده خبرلر یاییل‌سا دا، دئمک ایستییرم کی، چای‌دا بیر چوخ تمیزله‌مه ایشلری اورمو بلدییه‌سی طرفین‌دن حیاتا کئچیب. قالان ایشلر ده ۴۰ گون عرضین‌ده یئکونلاشاجاق. شوبهه‌سیز کی، هئچ بیر پروبلئم یارانمایاجاق و شهر اهالی‌سینین ناراحات اولماسینا دیمز. همچینین، سو آنبارلارینین داشما احتیمالی وئریلمیر. لاکین بو نئچه گون ایچین‌ده، خصوصیله، هون‌دور یئرلرده، ایلدیریم چاخما احتیمالی وئریلیر. سویداشلاریمیز احتیاط‌لی اولمالی‌دیر. آلپینیستلر صاباح اوجالیقلارا گئتمه‌مه‌لی و عمومیتله، چایلاقلار و دره‌لردن اوزاق اولماق لازیم‌دیر. همچینین، شدت‌لی کولک اولاجاق. هامینی احتیاط‌لی اولماغا چاغیریرام»، – دئیه، جعفری بیلدیریب.

قئید ائدک کی، اورمو چایینین تمیزله‌نمه‌سی مسئله‌سی بیر نئچه آی بون‌دان اول‌دن گون‌ده‌مه گلمیش‌دی. یای فسلینین اوللرین‌ده باشلانماسی داها مقصده اویغون اولسا دا، بل‌لی دئییل نه اوچون بئله تخیره سالینیب. خصوصیله، سون گونلرده اورمو شهرین‌ده، ائل‌جه ده اطراف کندلرده یاغان یاغیش و دولولار نتیجه‌سین‌ده بعضی یئرلرده سئل آخیب و بو، چایین تمیزله‌مه ایشلرینه مانعه اولا بیلر. اگر ۴۰ گون اول ایشلر باشلاسای‌دی، ایندی سونا چاتمیش‌دی.