آنا صحیفه توپلوم |
قزوین ایالتینین ان اؤنملی گؤلمچهلریندن اولان آبیئک شهرینین آللاهاباد گؤلمچهسی مأمورلارین اطراف محیطه اولان لاقید مناسیبتی نتیجهسینده قورویوب.
آخار. آذ خبر وئریر کی، بو بارهده قزوین ایالتی اطراف محیطین محافظهسی ایدارهسینین رئیسی حسین پسندیده معلومات وئریب: «ایالتین جنوب-شرق طرفینده یئرلشن آللاهاباد گؤلمچهسی ایستی هاوا شرایطیندن دولایی یئنیدن قورویوب.»
حادثهنی اهمیتسیز گؤسترمک مقصدی ایله اونو «طبیعی حادثه» آدلاندیران ه. پسندیده بیلدیریب کی، گؤلمچهنین سویونون معین حیصهسی ابهررود و خوررود چایلاریندان تعمین اولونوردو. لاکین حال-حاضردا بو چایلار یاخشی دورومدا اولمادیغی اوچون یای فصلینده سویون بوخارلانماسی سببیندن گؤلمچه قورویوب.
او هئچ بیر اؤنلییجی تدبیره ایشاره ائتمهدن آبیک و «بوین زهرا» شهرلرینه یاخین ۱۰۰ مین هکتار اراضیده یئرلشن گؤلمچهنین یاغینتیلارین آرتماسی ایله یئنیدن دیرچلجیینه و مهاجیر قوشلارا ائو صاحبلیگی ائدجیینه اومید ائتدیینی بیلدیریب.
تاریخ
2019.09.10 / 09:58
|
مولف
Axar.az
|