Axar.az
یوخاری
19 سئنتیابر 2019


تهراندا اؤزونو یاندیران قیز حیاتینی ایتیردی

آنا صحیفه توپلوم
12 Punto 14 Punto 16 Punto 18 Punto

«خبراونلاین» سایتینین سوسیال شبکه‌لرینین یازدیغینا گؤره، تهرانین آزادی ایستادیونونا داخیل اولماسی ایله باغلی باره‌سین‌ده محکمه ایشی آچیلماسینا اعتراض اولاراق اؤزونو یان‌دیران قیز ۹ سنتیابر (۱۸ شهریور) بازار ائرته‌سی سحر ساعتلارین‌دا مطهری خسته‌خاناسین‌دا وفات ائدیب.

آخار. آذ خبر وئریر کی، قیزین عائله‌سینین، ائلجه ده ایسلام رسپوبلیکاسینین محکمه اورگانلارینین رئاکسییاسینا دایر هله‌لیک معلومات یوخدور.

قیزین آدی بعضی منبع‌لرده «سحر .خ.» قید ائدیلیب.

تهرانین ایستیقلال کومان‌داسینین آزارکئشی اولان و سوسیال مئدیادا «ماوی قیز» کیمی تانینان ۲۹ یاشلی قیز بو ایلین مارتین‌دا ایستیقلال و ال-عین کومان‌دالارینین اویونونو ایزله‌مک اوچون آزادی ایستادیونونا گئتدیی اوچون حبس ائدیلمیش‌دی.

«روکنا» سایتینین یایدیغی خبره گؤره، قیز حبس ائدیلدیکدن و ورامین حبسخاناسینا کؤچورولدوکدن سونرا گیروو مقابیلین‌ده سربست بوراخیلیر، لاکین او، پروکورورلوغا مراجعت ائتدیکده «آلتی آی حبس جزاسینا محکوم ائدیلدیینی ائشیدیر» و «کسکین پسیخولوژی سارسینتی کئچیردیی اوچون اؤزونو یاندیریر».

کئچه‌ن هفته تهران عدلیه ایداره‌سی بیر قادینین تهرانین محکمه شعبه‌لرین‌دن بیرینین قارشی‌سین‌دا اؤزونو یاندیرماسی خبرینی تصدیقله‌ییب، لاکین اونون ایستادیوندا ساخلانیلماسینا توخونمادان، یالنیز «اویغون اولمایان باش اؤرتویو» و «دولت مأمورلارینی تحقیر ائتمک»ده اتهام اولوندوغونو بیلدیریب.

بدنینین ۹۰ فایزی یانان «ماوی قیز»، سون گونلرده تهرانین مطهری قزا و یانیق خسته‌خاناسین‌دا یاتیریلمیشدی و تنفس جیهازی واسطه‌سی ایله نفس آلیردی.

تاریخ
2019.09.10 / 10:36
مولف
Axar.az
شرح لر
دیگر خبرلر

ایران ایشسیزلیگی آرادان قالدیرماق‌دا چتین‌لیک چکیر- میللت وکیلی

اردبیل‌ده معلم چاتیشمازلیغی: «معلم بوشلوغونو دول‌دورا بیلمیجییک»

ایران‌دا ۲۰۰ مین نفره ناغد سوبسیدییانین وئریلمه‌سی دایاندیریلدی

تکنیکی اونیورسیتی گیلان اونیورسیتتی ایله امکداشلیق ائد‌جک

«ماراغا مکتبلرین‌ده تحصیلین سوییه‌سی قناعتبخش دئییل- حمید شکری

قاراداغ مئشه‌لرین‌ده باش وئره‌ن یانغینلا باغلی ۳ نفر ساخلانیلدی

غربی آذربایجان ۲۲ مین‌دن چوخ یول قزاسی باش وئریب

زنجان ویلایتی آزیاش‌لی قیز ائولیلیین‌ده اؤلکه اوزره ۱-جی یئرده‌دیر

آذربایجان تورکجه‌سینین تدریسی هده‌لری ضررسیزلشدیره‌جک – پورمحمدی

ایران‌دا زلزله اولدو - یارالانانلار وار

خبر خطّی
 
Axar.az'da reklam Bağla
Reklam
Bize yazin Bağla