ژورنالیستلرین مدافعه‌سی کمیته‌سی» یئنی یایددیغی حسابات‌دا مئدیا قوروملاری و اونلارین رهبرلرینه قارشی ان کسکین سنزورالار تطبیق ائد‌ن ۱۰ اؤلکه‌نین سیاهی‌سینی تقدیم ائدیب.

آخار. آذ خبر وئریر کی، آفریکا قیطعه‌سینین شرقین‌ده یئرلشه‌ن ائریترئیا دؤولتی سیاهینین باشین‌دا گلیر. شیمالی کورئیا و تورکمنیستان ایسه موافیق اولاراق ۲-جی، ۳-جو یئرلری بؤلوشدورورلر. نؤوبتی یئرلرده قرارلاشان اؤلکه‌لر ایسه سیرا ایله سعودییه عربیستانی، چین، ویتنام، ایران، اکواتوریال گوینیا، بلاروسییا و کوبادیر.

کمیته بیلدیریر کی، قید ائدیلمیش دؤولتلر ایفاده آزادلیغی اوزره بین الخالق قانونلار و ایستاندارتلاری آیاقلاری آلتینا آلیبلار، ائل‌جه ده ژورنالیستلری حبس ائتمکله قورخوداراق، اونلاری حکومتین سؤزچوسونه چئویریبلر. همین دؤولتلرین بو غیری-قانونی آددیملاری نتیجه‌سین‌ده بیر چوخ مستقیل ژورنالیست اؤز اؤلکه‌سین‌دن خاریجه سیغینماغا مجبور قالیب.

حسابات‌دا قید ائدیلیر کی، ایران، چین، ویتنام و سعودییه عربیستانی کیمی اؤلکه‌لر موستقیل مئدیا اورگانلاری و اونلارین ژورنالیستلرینی حکومتین یوروتدویو سیاستلر قارشی‌سین‌دا سوسدورماق اوچون ایشگه‌نجه وئرمک، تعقیب ائتمک و قانون‌سوز حبس ائتمک کیمی کلاسسیک سنزورا متودلارین‌دان ایستیفاده ائدیرلر.