چوغاخور گؤلمچه‌سین‌دن اصفهانا سو کانالی چکیلمه‌سینه اعتراض ائد‌ن بولداجی اکین‌چیلر آغیر جزایا محکوم ائدیلیبلر.

آخار. آذ خبر وئریر کی، «تلگرام» کاناللارین‌دان بیرینین یایدیغی معلوماتا اساساً، فرمرلرین اعتراضین‌دان سونرا باشلادیلمیش «جینایت ایشی»نده عمومی‌لیک‌ده ۲۸۳ نفر تقصیرله‌ن‌دیریله‌ن شخص قیسمین‌ده توتولوب. چهار-محل و بختیاری ایالتینین بوروجین رایونونون ۲ سایلی محکمه‌سینین ۱۰۱ سایلی شعبه‌سینین هحکمو ایله اونلاردان ۱۰۳ نفر بولداجی رایونون‌دان اولان اکین‌چی عمومی‌لیکده ۳ مین شاللاق ضربه‌سی و ۴۰۰ آی حبسه محکوم ائدیلیب.

چوغاخور گؤلمچه‌سین‌دن اصفهان ویلایتین‌ده یئرلشه‌ن «سفید دشت» پولاد زاوودونا ایجازه‌سیز و غیری-قانونی سو چکیلمه‌سینه اعتراض ائد‌ن بو فرمرلره قارشی «اجتماعی آساییشی پوزماق» و «پلیسین قانونی طلبینه تابع اولماماق» کیمی اتهاملار ایر‌لی سورولوب.