ایران میللی مجلی‌سینین میلت وکیلیعلی مطهری محکمه سیستمینین رهبری ایبراهیم رئیسییه آچیق مکتوب عنوانلاییب.

آخار. آذ-این معلوماتینا گؤره او، فوتبول فاناتی اولان قیزین اؤزونو یاندیراراق اؤلدورمه‌سی و سیاسی محبوس ستار بهیشتینین پلیسلر طرفین‌دن ایشگه‌نجه ایله اؤلدورولمه‌سینه توخوناراق، ایبراهیم رئیسییه «عقلری علملرینی اوسته‌له‌یه‌ن موستنتیق و حاکملری ایشه گؤتورمیی» توصیه ائدیب.

او، ایبراهیم رئیسییه خیطابه‌ن قید ائدیب کی، بیر چوخ حاللاردا ساخلانیلانلارین تؤرتدیکلری عمللرین جمعیته ووردوغو زیانین حدی و بو عمللرده جینایت ترکیبینین اولوب-اولماماسینا دقت ائدیلمه‌دن، اونلار آغیر جزالاندیریلیر. او، ستار بهیشتینین پلیس بؤلمه‌سینین تجریدخاناسین‌دا ایشگه‌نجه‌لر نتیجه‌سین‌ده اؤلمه‌سینین بونون باریز نمونه‌سی اولدوغونو بیلدیریب.