آنا صحیفه توپلوم |
تورک دیلینین مکتبلرده تدریس اولونماسی کونستیتوسییادا آچیقجا قید ائدیلیب و بو درس اردبیل مکتبلرینده کئچیریلمهلیدیر.
بو سؤزلری اردبیل ویلایتی تحصیل باش ایدارهسینین رئیسی یاقوب هاشمی دئییب. اردبیل ویلایتی شوراسی ایجلاسینا قاتیلان هاشیمی تحصیل ساحهسینده اولان پروبلملر بارهده موذاکیرهلر ائدیب:
«تورک دیلینده تحصیل اوچون اؤلکه سوییهسینده، خصوصیله، آذربایجان ویلایتلرینده پروگراملار حاضرلانیر. بو مسئله عینیله اردبیل خالقینین اساس طلبلریندن بیریدیر. بونا دقت یئتیریلمهلیدیر. بلدییه طرفیندن وطنداش حقوقو بارهده حاضرلانان کیتابلار مکتبلرده ده پایلانمالیدیر. بئلهلیکله هر اوشاق اؤز وطنداشلیق حقوقلاری ایله تانیش اولور. بؤیوک شهرلرده یئنی مکتبلرین تیکیلمهسی ایله یاناشی، همچینین، کهنه مکتبلرین یئنیدن تیکیلمهسی مسئلهسینه ده دقت یئتیریلمهلیدیر. مکتبلرده ایستیلیک سیستملری اصلاح اولونمالیدیر کی، خصوصیله، کند یئرلرینده بدبخت حادثهلر باش وئرمهسین. عالی مکتبه قبول اولانلارین سایی هئچ ده اورک آچان دئییل و ایستعدادلی اوشاقلارین عالی تحصیل آلماسینا زمین یارادیلمالیدیر»، – دئیه یعقوب هاشمی چیخیشیندا قید ائدیب.
قید ائدک کی، آذربایجان میللی فعاللارینین زحمتی سون زامانلار بهره وئرمهیه باشلاییب. تورک دیلینده تحصیل آلماق شعارینی وئرمک اوچون بیر چوخلاری اوزون مدتلی حبسلره محکوم ائدیلهرک حیاتلاری و تالعلرینی دییشسه ده، شوکورلر اولسون کی، ایندی بو سؤز حکومت سوییهسینده دانیشیلیر و بعضی آددیملارین آتیلماسی گؤزلنیلیر. بو گؤستریر کی، سویداشلاریمیزین چکدیی زحمت و اذیت هئچ ده ابس دئییل و گئج ده اولسا، بهره وئرمهیه باشلاییب.
تاریخ
2019.09.12 / 20:06
|
مولف
Axar.az
|