Axar.az
یوخاری
21 اوکتیابر 2019


شهریارین اثرلری دقت‌دن کناردا قالیب -شعیردوست

آنا صحیفه توپلوم
12 Punto 14 Punto 16 Punto 18 Punto

ایرانین تاجیکیستان‌داکی کئچمیش سفیری، آذربایجانین گؤرکملی شاعری مرحوم اوستاد محمد حسین شهریارین یاخینلارین‌دان اولان علی اصغر شعیردوست تبریزین مدنی-تاریخی اثرلرینین یاخشی قورونوب ساخلانیلمادیغینی کسکین تنقید ائدیب.

آخار. آذ «نصر» آگنتلیینه ایستینادا خبر وئریر کی، بؤیوک شاعرین وفاتینین ۳۰-جو ایلدؤنومو عرفه‌سین‌ده ا.شعیردوست اوستاد شهریاردان قالان اثرلرین دقتدن کناردا قالدیغینی خصوص وورغولاییب.

اصلین‌ده اوستاد شهریارین تانیتدیرماغا احتیاجی اولمادیغینی دئیه‌ن کئچمیش سفیر بیلدیریب کی، شهریارین شهرتی اؤلکه‌یه سیغمیر، موختلیف جمعیتلر اونو داها چوخ تانیماغا چالیشیر، لاکین ایران‌دا بو ایستیقامت‌ده هئچ بیر آددیم آتیلمیر.

«شهریاردان بیزه اونون شعیرلری، ائوی و دفن اولوندوغو یئر یادیگار قالیب. تأسفله شاعردن قالان اثرلرین هامی‌سی آجیناجاق‌لی وضعیت‌ده‌دیر. بیز اونون شعیرلرینی لاییق‌لی شکیلده هامی‌سینی نشر ائتدیره بیلممیشیک. اؤز معاشی حسابینا تیکدیردیی ائو ده اولدوغو کیمی قورونوب ساخلانیلماییب. اونون و داها ۴۰۰ شاعرین دفن اولوندوغو مقبره ده آجیناجاق‌لی وضعیت‌ده‌دیر، بو وضعیته مرثییه اوخوماق لازیم‌دیر.»- دئیه او بیلدیریب.

ا.شعیردوست اوستاد شهریارین دفن اولدوغو تبریزین «مقبره الشعرا»سینین («شاعرلر مقبره‌سی») بو وضعیت‌ده اولماسینی ایران و آذربایجانین اعتیقادی، آبیر و حیثیتینین تالانماسی کیمی قیمتلندیریب. او بیلدیریب کی، «مقبره الشعرا»نین هانسی اورگانین نظارتی آلتین‌دا اولدوغو بللی دئییل. بو مکان بو گوندک ۳ دفعه الده‌ن-اله کئچیب و هر دفعه اونا آغیر زیان دییب.

کئچمیش سفیر اوستاد شهریارین ائوینین ده باخیم‌سیز وضعیت‌ده اولدوغونو تنقید ائدیب. او بیلدیریب کی، سون ایللرده ائوده بیر چوخ اشیا تخریب اولونوب، حتی بعضیلری اوغورلانیب. بو ائوه بلدییه ایداره‌سی نظارت ائدیر. بو باره‌ده بیر نئچه دفعه بلدییه باش‌چیسی ایله دانیشدیم. لاکین او دئییلن سؤزلره محل قویمادی.

تاریخ
2019.09.17 / 18:12
مولف
Axar.az
شرح لر
دیگر خبرلر

آنکارانین کئچمیش بلدییه باشقانیندان «تراختور» اویونچوسونا دستک - فوتو

ایران‌دان آذربایجانا نارکوتیک کئچیرمک ایسته‌دیلر

خزرده زلزله اولدو

همدانین «بوعلی» خسته خاناسین‌دا حامیله قادین دونیاسینی دییشدی

ایران‌دا تحصیل‌لی ایشسیز قادینلار ایشسیز کیشیلره نیسبت‌ده ۳-۴ دفعه چوخ‌دور

جبهه‌ده سون دوروم

مشهور تورک ایدمان‌چی آذربایجانی بئله تبریک ائتدی - فوتو

هادی باهادوری ترورو دستکله‌یه‌ن کورد میللت وکیللرینی تنقید ائتدی

اینگیلیس دیلینین تحصیل پروگرامین‌دان چیخاریلماسی تکلیفی دوز دئییل- زولقدیر

«آذربایجان» تویتترده ایکینجی اولدو – فوتو

خبر خطّی
 
Axar.az'da reklam Bağla
Reklam
Bize yazin Bağla