آنا صحیفه توپلوم |
اردبیلده معلم چاتیشمازلیغی وار. ایشه گؤتورولهن معلملرین سایی تقاعده چیخانلاردان آزدیر.
مسئله ایله باغلی اردبیل میللی تحصیل مدیری احمد ناصری آچیقلاما وئریب.
«اردبیل ایالتی تحصیل، ایشچی قوهسی باخیمیندان یاخشی وضعیتده دئییل. ایشه گؤتورولهن معلملرین سایینین تقاعده چیخانلاردان داها آز اولدوغونا شاهیدیک. کئچهن ایل ۹۷۰ نفر معلم تقاعده چیخدی. بو ایل ایسه ۱۱۰۰-دن چوخ نفر ایشچی تقاعده چیخیب. بیز کیفایت قدر یئنی معلملرین ایشه قبول ائدیلمهمهسی سببیندن بعضی تقاعدچولرین تحصیل و تعلیم فعالیتلرینین داوام ائتدیریلمهسی مجبوریتینده قالیریق. فرهنگییان اونیورسیتتینین معزونلاری و عسگر معلملرینی ده ایشه گؤتورجییک. لاکین بونلارین دا سایی تخمیناً ۴۷۰-نفردن عبارتدیر. بئله بیر آددیم آتساق بئله یئنه ده یارانان معلم بوشلوغونو دولدورا بیلمیجییک».
قید ائدک کی، گونئی آذربایجانین اردبیل اوستانیندا ۱۹ مین معلم چالیشماقدادیر. اردبیلده طلبهلرین سایی ایسه ۲۵۰.۰۰۰-ا چاتیب.
تاریخ
2019.09.19 / 17:53
|
مولف
Axar.az
|